Čendu

Čendu
Fail:雪山下的成都市天际线 Chengdu skyline with snow capped mountains (cropped).jpg
30°39′36″ с. ш. 104°03′48″ в. д.
Valdkund	Kitai
Адм. центр	Wuhou District[d]
Istorii da geografii
Tegemižen päiv	311 до н. э.
Pind	14 334,78
Высота	500
Aigvö	UTC+8:00[d]
Ekonomik
Eläjad
Eläjad	▲20 937 757 чел. (2020)
Lugud
Telefonan kod	028
Počtan indeksad	610000
Avtomašinoiden nomeroiden kod	川A и 川G
-
Официальный сайт(kit.)
lugeda • diskussii • redaktiruida

Čendu (pin'jin': Chéngdū [ʈʂʰə̌ŋ.tú] «kändamha pälidnaks») om lidn-millioner Sičuan'-agjan administrativine keskuz.

Istorii

Eländpunktan aluz om pandud vl 311 EME. Sil aigalpäi i 1. voz'tuhan aigan lidn oli neniden car'kundoiden-valdkundoiden pälidnaks: Šu (edel 316 vot e.m.e.), Šu-Han' (221−263), Čen (4. voz'sadan ezmäine pol'), Päivlaskmaine Šu (5. voz'sadan augotiž), Aigaline Šu (907−925), Möhäine Šu (934−965).

Čendu šingotase verhiden maiden kapitalanpanmižen kaikiš järedambaks keskuseks valdkundan päivlaskmpoles. Mail'man vides sadaspäi 260 kompanijan alajagused sijadasoiš täs. Lidn om avtoiden da niiden varapaloiden tegijoiden ühteks keskusišpäi Kitaiš, valdkundan lendimensauvomižen i kompjuterprogramiden sädandan järed keskuz.

Geografijan andmused

Lidn sijadase Sičuanin katl'usen päivlaskmas, Min'czän-jogialangšton randoil, 500 metrad ü.m.t. keskmäižel korktusel. Cin'lin-mäged oma pohjoižhe lidnaspäi, ned kaitas tahondad Sibirin vilun ličendaspäi. Joged (kit. üks'lugu «he») oma Czin', Fu i Ša, mülüdas Janczin hurapol'he basseinha.

Klimat om subtropine neps.

Eläjad

Vn 2010 Kitain rahvahanlugemižen mödhe lidnümbrikon eläjiden lugu oli 14 047 625 ristitud, heišpäi lidnanlaptoiš — 7 415 590 ristitud. Lidnanümbrikon pind — 14 378,18 km², sidä kesken lidnanlaptoiden — 1 761 km². Vl 2014 kaik 14 427 500 eläjid oli lidnümbrikos. Vl 2015 18,1 mln ristituid elihe lidnaglomeracijas.

Transport

Avtobusad oma kundaližeks transportaks lidnas da sen ümbrištos. Metro radab vspäi 2010 (6 jonod, 151 stancijad i 196 km raudted oma vl 2018). Nell' päraudtestancijad, kiruhraudte ühtenzoitab Čuncinanke.

Rahvahidenkeskeine civiline Čendu Šuanlü-lendimport (CTU, kit.: 成都双流国际机场, 46 mln passažiroid vl 2016) sijadase 16 km suvipäivlaskmha lidnan keskusespäi. Tehtas reisid Suvižen i Päivnouzmaižen Azijan maihe, mugažo Kitain lidnoihe.

Irdkosketused

• Lidnan tobmuden oficialine sait (chengdu.gov.cn). (kit.) (angl.) (fr.)