Vival'di Antonio

Vival'di Antonio
ital.: Antonio Vivaldi
Antonio Vival'di vl 1725
Nimi:	ital.: Antonio Lucio Vivaldi
Sündundpäiv	4. keväz'kud 1678(1678-03-04)[…]
Sündundsija:	Venecii, Venezia vabariik[d][…]
Kolendpäiv:	28. heinkud 1741(1741-07-28)[…] (63 года)
Kolendsija:	Vena, Austria ertshertsogkond[d], Saksa-Rooma riik[d]
Valdkund	Venezia vabariik[d]
Professijad:	muzikankirjutai
Tat	Giovanni Battista Vivaldi[d]
Mam	Camilla Calicchio[d]
Allekirjutuz
Mediafailad RUWIKI-tedoiš

Antonio Lučo Vival'di (ital.: Antonio Lucio Vivaldi; sünd. 4. keväz'ku 1678, Venecii, Venecijan Tazovaldkund — kol. 28. heinku 1741, Ven, Pühä Rimalaine imperii) oli italijalaine, italižen operan školan muzikankirjutai. Violižnik-mastar, muzikopendai, dirižor, katoližen jumalankodikundan pap'.

Biografii

Antonio oli sündnu keričijan kanzha, hänen velled kändihe keričijoikš mugažo. Vänd violižel oli veroline italižiš keričendsijiš, i Antonion tat tegihe ezmäižeks opendajaks. Täuz'kaznu Antonio kändihe papin, no okai radnikoičendoid vällän tervhuden tagut i läksi rata armotomiden lapsiden muzikopendajan. Lugetas Vival'did 18. voz'sadan italižen violižvändon čomamahton kaikiš surembiš ezitajišpäi. Hän sai avarod tetabut Evropadme elon aigan, kunigazližen kanzad pakitoitiba hänele sädusid, no muzikankirjutai koli gollüdes muzikmaguiden vajehtusen tagut. Nügüd'aigan Vival'din sädusiden edestuz tegese avaromb.

Ansambliž-orkestrižen koncertan (concerto grosso) mastar, sädi 50 operad (vaiše läz 20 operan muzik om kaičenus), 517 koncertad i enamba mi sadad sonatad, kirjuti kantatoid, serenadoid i simfonijoid sur'il'man täht, Stabat mater-sekvencijoid jumalankodikundan täht. Vival'di om tetab ičeze instrumentaližkoncertoil, violižele eriližešti. Hänen nell' «Voz'aigad»-violižkoncertad mülüdas «Garmonijan rida melestegendanke»-ciklha.

Valitud sädused

Operad

• «Otton ičeze villas» (1713, Ottone in villa)
• «Darijan vencastuz» (1716, L’incoronazione di Dario)
• «Džustino» / «Justin» (1724, Giustino)
• «Äred Roland» (1727 vn 1714 hänen-žo operan-libretton alusel, ital.: Orlando furioso)
• «Farnak» / «Farnak, Pontan ohjandai» (1727, Farnace)
• «Atenaida» (1728, Atenaide)
• «Olimpiada» (1734, L'Olimpiade)
• «Tamerlan» (1735, Il Tamerlano)
• «Grizel'da» (1735, Griselda)
• «Orakul Messenijas» (1738, L'oracolo in Messenia)

Oratorijad

• «Moisei, faraonan jumal» (1714, Moyses Deus Pharaonis)
• «Üläihastui Judif'» (1716, Juditha Triumphans devicta Holo-fernis barbarie)
• «Völhoiden kumardelend» (1722, L’Adorazione delli tre Re Magi)
• «Montesuma» (1733, Motezuma)

Homaičendad