Tursunzade

Tursunzade
tadž.: Турсунзода
38°30′39″ с. ш. 68°13′49″ в. д.
Valdkund	Tadžikistan
Istorii da geografii
Aigvö	UTC+5:00[d]
Eläjad
Eläjad	▲46 700 чел. (2010)
Lugud
Počtan indeksad	735000
Официальный сайт
Mediafailad RUWIKI-tedoiš

Tursunzade (tadž.: Турсунзода, ven.: Турсунзаде) om lidn tazovaldkundan alištusenke Tadžikistanan päivlaskmas. Se om Tursunzaden rajonan tazovaldkundan alištusenke administrativižeks keskuseks, ei mülü sihe.

Istorii

Eländpunkt mainitase ezmäižen kerdan 14. voz'sadan kahtendes poles. Se sai lidnan statusad vl 1954. Vhesai 1978 lidnan nimituz oli Regar, udesnimitihe tadžikan Mirzo Tursun-zade-runokirjutajan kanzannimen mödhe. Raudtestancijan nimi om Regar tähäsai. Vl 2005 oigetihe Tursunzaden 70-vottušt jubilejad.

AÜV:oiden armijan openduzkeskuz om olmas lidnas Tadžikistanan sodavägiden täht. Järed alüminijantegim radab lidnan pohjoižes vspäi 1975 Nurekan GES:an energijal. Lidn om ümbärtud maižanduzrajonal (ris, puvill, greipfrutad, maplodud).

Geografijan andmused

Lidn sijadase Gissaran mägisel'ganno, Karatag-jogen oiktal randal i randpolel (tadž.: Қаратоғ 99 km pitte, Amudarjan bassein). Keskust Uzbekistanan röunhasai om 4 km päivlaskmha orhal i avtotedme vai 8 km suvipäivlaskmha raudtedme. Matkad Dušanbe-pälidnhasai om 60 km päivnouzmha avtotedme vai raudtedme.

Eläjad

Vn 2010 Tadžikistanan rahvahanlugemižen mödhe lidnan eläjiden lugu oli 46 700 ristitud. Kaikiš suremb ristitišt om nügüd'. Kaik 286 200 eläjad om ezilidnoidenke (rajonanke).

Eläjad oma islamanuskojad tobjimalaz.

Homaičendad

Irdkosketused

• Lidnan oficialine sait (tursunzoda.tj). (tadž.) (ven.)  (angl.)