Tatu
Sil sanal voib olda toižid znamoičendoid; miše nähta niid, tulgat tänna.
Tatu (samoan kelel om tatau — «pirdandkuva ristitun nahkal») i sen sädandan tatuiruind-process om hibjan modifikacijan form. Britanine Džeims Kuk-matkadai toi sanad anglijan kel'he, sid' se putui Evropan toižihe kelihe.
Tatuiruind om kaikenaigaižen kuvan panendan hibjaha process. Tegese nahkankatken sijaližen travmiruindan metodal, sen aigan mujutim tose dermha. Kirjad nahkas oleldas pordaigaližed-ki, todas niid painandal vai tatuiruindal kadojidenke mujuidenke. Mujutimed oma toksižed, i niiden sur' lugumär kucub läžundoid, allergijaspäi rakhasai. Tatun čurazund om jüged, sen mahtod oma mehanine, himine i lazeran abul.
Hibjan pirdand tatun abul oli levitadud Amuižes Egiptas (kuvatihe jumaloid), jenisein kirgizlaižil, Amuižes maori-rahvahal tatun tehmine om sakraline verotego. Avraamižed religijad pidadas tatuid negativižešti i lugetas grähkaks.
Tatun nägu i toižend märičese pakitoitajal vai elon i kundan tarbhaičendoil. Amuižen aigan pirtud tatud znamoičiba ristitun klassad. Jagadas tatuid toižendan i stilin, tehmižen mahtusen mödhe. Tatuirui ristit om tatumastar, tatupirdai, tatuartist.
Homaičendad
 |
Tatu Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |