Taraz
| Taraz | |||
|---|---|---|---|
| kaz.: Тараз | |||
 | |||
|
|||
| 42°53′00″ с. ш. 71°22′00″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1720 | ||
| Pind |
|
||
| Высота | 610 ± 1 | ||
| Aigvö | UTC+6:00[d] | ||
| Eläjad | |||
| Eläjad |
|
||
| Lugud | |||
| Počtan indeksad | 080000 | ||
|
|
|||
| Официальный сайт | |||
 Mediafailad RUWIKI-tedoiš | |||
Taraz (kaz.: Тараз) om lidn Kazahstanan suves. Se om Žambilan agjan administrativine keskuz.
Istorii
Eländpunktan aluz om pandud ezmäižel voz'sadal EME. Mainitase vl 400 Grekanman purtkiš kuti Tolosa-lidn Surel Šuuktel. Lidnan nimituz oli Aulie-Ata vll 1856−1936, Džambul vll 1938−1993 i vhesai 1997 Žambil (kaz.: Жамбыл). Vl 1917 raudte tuli lidnha.
Taraz šingotase himižel tegimištol fosforan loudmižsijil, sömtegimištol, raudan ühthesuladusiden pästandal, sauvondmaterialiden da konstrukcijoiden tehmižel, kengiden fabrikal.
Geografijan andmused
Lidn sijadase Talas-jogen randal, Kirgizstanan röunanno, 610 m ü.m.t. keskmäižel korktusel. Om korktoid mägid ümbrištos.
Klimat om terav kontinentaline. Heinkun lämuz om +25,4 C°, vilukun — −3,1 C°, voden keskmäine lämuz om +11,1 C°. Absolütine minimum oleskeli −40 C°. Paneb sadegid 344 mm vodes, vähemba heinkus-sügüz'kus (8..19 mm kus).
Eläjad
Vl 2014 eläjiden lugu oli 351 476 ristitud. Kaikiš suremb ristitišt oli 356 983 eläjad vl 2015.
Transport
Avtobusad oma kundaližeks transportaks lidnas. Päraudtestancii i avtostancijad ratas lidnas.
Rahvahidenkeskeine soda- da civiline Aulie-Ata-lendimport (DMB, 55 tuh. passažiroid vl 2016) sijadase kümnes kilometras suvipäivlaskmha orhal lidnan keskusespäi. Tehtas reisid nenihe lidnoihe: Almati, Astan, Moskv.
Homaičendad
Irdkosketused
- Lidnan oficialine sait (taraz.zhambyl.gov.kz). (kazah.) (ven.)