Stallone Sil'vestr

Stallone Sil'vestr
angl.: Sylvester Stallone
Sil'vestr Stallone vl 2012 Sil'vestr Stallone vl 2012
Nimi:	angl.: Sylvester Gardenzio Stallone
Sündundpäiv	6. heinkud 1946(1946-07-06) (80 лет)
Sündundsija:	Nju Jork, Nju Jork[d], Amerikan Ühtenzoittud Valdkundad
Valdkund	Amerikan Ühtenzoittud Valdkundad
Professijad:	kinoaktrisa, fil'moiden režiss'or, scentarist, kinoprod'user
Tat	Frank Stallone[d]
Mam	Jackie Stallone[d]
Супруга	Jennifer Flavin[d]
Lapsed	Sage Stallone[d], Q22977792?, Sistine Stallone[d], Sophia Rose Stallone[d] da Q22977806?
Pauklahjad da premijad	Golden Raspberry Award for Worst Actor[d] (1985) Golden Raspberry Award for Worst Actor[d] (1986) Golden Raspberry Award for Worst Director[d] (1986) Golden Raspberry Award for Worst Screenplay[d] (1986) Golden Raspberry Award for Worst Actor[d] (1989) Gollivudan Tetabuden käveluzkujon tähtaz[d]
Allekirjutuz
Sait	sylvesterstallone.com
Mediafailad RUWIKI-tedoiš

Sil'vestr Stallone (angl.: Sylvester Stallone; sünd. 6. heinku 1946, Nju Jork, Nju Jork (štat), AÜV) om amerikalaine akt'or, režissör, kinoscenarijoiden tegii da prodüser.

Biografii

Sil'vestr om sündnu Nju Jork-lidnha. Hän openzihe Šveicarijan Amerikaižes kolledžas, sil-žo aigal radoi treneraks i jätksi edestada rolid teatras. Štatoihe pördumižen jäl'ghe Sil'vestr päti tehtas akt'oraks i ühtni Majamin universitetha tedištelimha draman čomamahtoid. Sai opendust akt'ortedokundas da pördui ičeze kodilidnha, oti rolid peniš teatredestusiš.

Akt'or zavodi kar'jerad «Italijalaine ubeh»-pornofil'mas, sid' edesti penid rolid fil'miš da serialoiš. Vodel 1976 «Rokki»-fil'm läksi ekranoile, Sil'vestr kirjuti scenarijad iče necen fil'man täht, i tegihe tutabaks fil'man tagut. Vodel 1982 «Rembo: Ezmäine čak»-fil'm om pästtud, sigä hänen Rembo-personaž ozutase ezmäižen kerdan, kudamb vl 2008 fil'mzi nelländen palan ičeze scenarijan mödhe.

Sil'vestr om ranu ak'toran, no pirdajan-ki. Pirdi äi kuvid, hänen kuvad oleliba Piteriš-ki.

Sil'vestr oli nainu severz' kerdoid. Vspäi 1998 om nainu, Džennifer Flavin om hänen ak. Vl 1976 Sil'vestr tegihe tataks, Seidž-poig om sündnu (koli vl 2012). Vl 1979 Serdžo-poig om sündnu. Vl 1996 Sofia-tütär om sündnu. Vl 1998 Sistin-tütär om sündnu. Vl 2002 Skarlett-tütär om sündnu. Frenk-vell' om Sil'vestral, vell' om pajatai da akt'or.

Fil'mografii (serialoid da massižid scenoid lugemata)

«Italijalaine ubeh» (1970) — Stad «Lordad Fletbušaspäi» (1974) — Stenli Rozjello «Rokki» (1976) — Rokki Bal'boa «Nürk» (1978) — Džonni Kovak «Rajun allei» (1979) — Kosmo Karboni «Rokki 2» (1979) — Rokki Bal'boa «Rokki 3» (1982) — Rokki Bal'boa «Rembo: Ezmäine čak» (1982) — Džon Rembo «Rembo: Ezmäine čak 2» (1985) — Džon Rembo «Rokki 4» (1985) — Rokki Bal'boa «Kobrakü» (1986) — Merion «Kobrakü» Kobretti-leitnant «Mi väged om» (1987) — Linkol'n Houk «Rembo 3» (1988) — Džon Rembo «Tango da Keš» (1989) — Reimond Tango-leitnant «Rokki 5» (1990) — Rokki Bal'boa «Libui kall'oihe» (1993) — Geib Uoker

«Murendai» (1993) — Džon Spartan «Specialist» (1994) — Rei Kuik «Dredd-sudii» (1995) — Dredd-sudii «Päivänvauktuz» (1996) — Kit Latura «Špijonoiden lapsed 3: Vänd tuli lophu» (2003) — Kibergenii «Rokki Bal'boa» (2006) — Rokki Bal'boa «Rembo IV» (2003) — Džon Rembo «Uskmatoi armastuz» (2009) — edestab ičtaze «Pid'oitelematomad» (2010) — Barni Ross «Pid'oitelematomad 2» (2012) — Barni Ross «Pid'oitelematoi» (2013) — Džimmi Bonomo «Pagon plan» (2013) — Rei Breslin «Täuz' revanš» (2013) — Genri «Bardveič» Šarp «Pid'oitelematomad 3» (2014) — Barni Ross «Krid: Rokkin jäl'guz» (2015) — Rokki Bal'boa

Mel'hetartujad faktad

• Sil'vestr kumardelese Bollivudan fil'mile, eskai fil'mzihe «Uskmatoi armastuz»-fil'mas edestaden ičtaze.
• Hän pajati «Mägikivi»-fil'mas.
• Akt'or om angližen «Everton»-futbolkluban himokaclijan.

Homaičendad

Irdkosketused

• Sil'vestr Stallonen oficialine sait (sylvesterstallone.com).  (angl.)
• Stallone Sil'vestr „Internet Movie Database“-saital  (angl.)
• Stallone Sil'vestr „KinoPoisk“-saital (ven.)