Sjudad Guajan
| Sjudad Guajan | |||
|---|---|---|---|
 | |||
|
|||
| 8°19′21″ с. ш. 62°41′23″ з. д.GЯO | |||
| Valdkund | |||
| Istorii da geografii | |||
| Tegemižen päiv | 1961 | ||
| Pind |
|
||
| Высота | 13 | ||
| Eläjad | |||
| Eläjad |
|
||
| Lugud | |||
| Telefonan kod | 0286 | ||
| Počtan indeksad | 8050 | ||
 Mediafailad RUWIKI-tedoiš | |||
Sjudad Guajan (isp.: Ciudad Guayana [sjuˈðað ɣwaˈʝana] «Guajan-lidn») om Venesuelan kudenz' lidn eläjiden lugun mödhe. Se om Bolivar-štatan kaikiš suremb lidn eläjiden lugun mödhe.
Istorii
Eländpunktan aluz om pandud kahten eländpunktan ühtištusel vn 1961 2. päiväl heinkud sauvomha järedad Guri-gidroelektrostancijad Karoni-jogel 70 km suvhe lidnaspäi. Nece GES pästab valdkundan elektrusen enamba pol't, 4nz' surtte GES mail'mas (2018).
Kaks' alüminijantegint i raudan metallurgijan kompanii ratas lidnas.
Geografijan andmused
Lidn vedase 40 kilometrad pidust' Orinoko-jogen oiktad (suvišt) randad, seižub sen kaikiš znamasižemban Karoni-ližajogen lanktendan sijas. Karoni läbitab lidnad suvespäi pohjoižhe i jagab kaks'haze: vanh San Feliks-lidn om päivnouzmas (San Félix, alusenpanend 1724), uz' planiruidud Puerto Ordaz ([ˈpweɾto oɾˈðas]) levitase päivlaskmas. Sjudad Guajan sijadase 13 m ü.m.t. keskmäižel korktusel. Matkad štatan Sjudad Bolivar-pälidnhasai om 110 km päivlaskmha Orinokon ülezjogen.
Klimat om ekvatorialine. Kun keskmäine lämuz om +25..+28 C° vodes läbi. Ekstremumad oma +18 C° i +37 C°. Paneb sadegid 1420 mm vodes, vähemba uhokus (48 mm), vihmsezon oleskeleb kezakus-elokus (200..255 mm kus).
Eläjad
Vl 2001 eläjiden lugu oli 706 736 ristitud, štatan ristitišton läz pol't.
Vodele 2006 kombiniruidud raudte- da avtotesild om saudud Orinokos päliči.
Galerei
- Eurobuilding Hotel.JPG
«Eurobuilding»-adivpert' (2013)
- Orinokia Mall Center, Ciudad Guayana, Venezuela.JPG
«Orinokia»-moll vl 2009
Äifunkcionaline «Kačamai»-stadionkompleks Karoni-jogen randal (2007)
- 2PuenteSobreElOrinoco.jpg
Orinokia-sild vl 2007
