Ratnapur
| Ratnapur | |
 | |
| Valdkund | |
|---|---|
| Istorii da geografii | |
| Pind |
|
| Высота |
130 ± 1 |
| Aigvö | |
| Ekonomik | |
| Eläjad | |
| Lugud | |
| - | |
|
| |
| lugeda • diskussii • redaktiruida | |
Ratnapur (singal.: රත්නපුර Ratnapura, tamil.: இரத்தினபுரி Ratnapuri, kalližarvoižiden kividen lidn» Sabaragamuv-agjan administrativine keskuz. Ratnapuran ümbrikon keskuz mugažo, ümbrik om agjan üks' kahtespäi.
Istorii
Läz kaht tuhad vozid tagaz ezmäižed buddizman manahad tuliba lidnan tahoiže Indijan pohjoižiš agjoišpäi. Sadas kalližarvoižid kivid läz lidnad keskaigaspäi (rubinad, sapfirad da tž.).
Ratnapur šingotase turizmal, löutud kividen torguindan keskuseks i transporttesol'meks. Kalližarvoižiden kividen i grafitan samine lidnan ümbrištos.
Geografijan andmused
Lidn sijadase agjan keskuzpalas, Kalu-jogen oiktal randal tobjimalaz (singal.: කළු ගඟ Kalu Ganga «must jogi» 129 km pitte), 130 m ü.m.t. keskmäižel korktusel, gevejan (londuseline räzin) plantacijoiden keskes. Matkad ekonomižhe Kolombo-pälidnhasai om 100 km lodeheze avtotel vai raudtel.
Klimat om ekvatorialine neps (tropine vihmmecoiden), sur'veded oma paksud. Kun keskmäine lämuz om +27..+29 C° vodes läbi. Paneb sadegid 3590 mm vodes, enamba semendkus (450 mm) i redukus (500 mm), vähemba vilukus-uhokus (120..130 mm kus).
Eläjad
Vl 1901 lidnan ristitišt oli 4 084 eläjad. Vl 2011 eläjiden lugu oli 52 170 ristitud. Viž kolledžad ratas lidnas.
Religijan mödhe (2012): buddistad — 52,9%, islamanuskojad — 33,5%, induistad — 10,4%, riman katolikad — 2,2%, toižed hristanuskojad — 1,0%.
Irdkosketused
- Lidnan oficialine sait (ratnapura.mc.gov.lk). (angl.) (singal.) (tamil.)
 |
Ratnapur Vikiaitas |