Pedran päiv
| Pedran päiv | |
|---|---|
| Fail:Pedran päiv.webp | |
| Tip | Tedomahtoine praznik |
| Om tehtud | vodel 1932 |
| Praznuitas | Neneckii avtonimine ümbruzkund, Komin Valdkund |
| Praznuičend | 2. elokud |
Pedran päiv om Neneckijan avtonomižen übruzkundan da Komian Valdkundan tedomahtoine pedroidenpidäjiden praznik. Praznikad praznuitas ühtes Iljan päivänke 2. elokud. Pedran päivän praznuičendaspäi lopiše kezaline pedroiden paimenduz da zavodiše pedroiden ajand tal'vomaluižile.
Istorii
Vodespäi 1932 praznikan mänetadas ezmäižel elokun pühäpäiväl. Vozil 1958 — 1994 praznikan nimitihe Pedroidenpidäjiden päiväks, (Jamalo-Neneckijas avtonomižes ümbruzkundas mugoine praznikan nimi om nügüd'-ki). Oficialine Pedran päiv-praznikan praznoičend 2. elokud om vahvištoitud vodel 2007[1].
Praznik
Praznikan pit'kaaigaižes aigkeskustas vahvištoitihe tradicionaližed prazniksijad. Tarbhaine Pedran päivän pala om prazniksuim, miččel tehtas augvoz'poliškon ühtvedod rados, pagištas pedroiden kandandas, vanhoiden da noriden pedroiden kaičendas. Mugažo Pedran päiväl mänetadas valdmehišton radvastusid pedroidenpidäjidenke. Erašti necel päiväl mänetadas i znamasižed azjad (sajad (svad'bad), jubilejad, ozateldas vanhembid mehid i toižed).
Praznikan aigan pedroidenpidäjiden eländsijoiš pidetas rahvahaližiden sportroduiden voibuižed — pohjoine aivoibuine, pedroiden vallästadud voibištelend da rahvahaližiden pajosebroiden koncertad, praznikmönd, tehtas rahvahan adivsömid. Völ necel päiväl tehtas pedroidenpidäjiden da heiden kanznikoiden tervhuz'tarkištamišt[2].
Kacu mugažo
- Pedroidenpidäjiden päiv
Homaičendad
- ↑ Закон НАО от 14 декабря 2007 года N 170-оз О традиционном празднике — День Оленя. Дата обращения: 20 vilukud 2015. Архивировано 20 vilukud 2015 года.
- ↑ Жители тундры отмечают День оленя. Дата обращения: 20 vilukud 2015. Архивировано 20 vilukud 2015 года.
Literatur
- Ненецкий автономный округ. Энциклопедический словарь / Л. Ю. Корепанова (гл. ред.). — М.: Аванта+, 2001. — 304 с. — ISBN 5-8483-0040-2.