Paisandu

Paisandu
Флаг Герб[d]
32°19′12″ ю. ш. 58°04′32″ з. д.
Valdkund	Urugvai
Istorii da geografii
Tegemižen päiv	1749
Высота	34 ± 1
Aigvö	America/Montevideo[d]
Eläjad
Eläjad	76 429 чел. (2011)
Lugud
Telefonan kod	72
Počtan indeksad	60000
Официальный сайт(isp.)
Mediafailad RUWIKI-tedoiš

Paisandu (isp.: Paysandú [pai̯.sanˈdu]) om lidn Urugvain päivlaskmas, valdkundröunanno. Se om valdkundan nellänz' lidn eläjiden lugun mödhe, Paisandun agjan (departamentan) administrativine keskuz.

Istorii

Eländpunktan aluz om pandud vl 1772 kuti lidnut (isp.: villa). Se sai todesižen lidnan statusad (isp. ciudad) vn 1863 8. päiväl kezakud.

Paisandu-lidn šingotase sömtegimištol (olud, sahar, citruskazmusiden ümbriradmine), cementantegimel, mecan ümbriradmižel, villkanghiden tehmižel, nahkedheotandoil i lebuturizmal.

Geografijan andmused

Lidn sijadase Urugvai-jogen hural randal, 34 m ü.m.t. keskmäižel korktusel. Matkad Montevideohosai om 378 km suvipäivlaskmha. Vspäi 1975 avtotesild Artigas-jenaralan nimed 334 m pitte ühtenzoitab Argentinan Kolon-lidnanke Urugvai-jogen vastrandal.

Klimat om subtropine neps. Voden keskmäine lämuz om +18,4 C°, kezakun-elokun +12..+14 C°, tal'vkun-uhokun +23..+25 C°. Ekstremumad oma −7 C° i +44 C°. Paneb sadegid 1238 mm vodes, vähemba kezakus-sügüz'kus (55..71 mm kus).

Eläjad

Vn 2011 Urugvain rahvahanlugemižen mödhe eläjiden lugu oli 76 412 ristitud (agjan kaks' koumandest), ezilidnoidenke 90 tuhad ristituid. Se om kaikiš suremb lidnan ristitišt, läz kaikenaigaine vspäi 1996 (sil vodel oli 74 568 eläjad).

Vspäi 1969 Paisandun universitetine keskuz radab lidnas, se alištub Tazovaldkundan universitetale.

Irdkosketused

• Lidnan da sen agjan oficialine sait (paysandu.gub.uy). (isp.)
• Lidnan turizman sait (paysandu.com). (isp.)