Mail'man mužikoiden päiv
| Mail'man mužikoiden päiv | |
|---|---|
 Fotokollaž mužikoiden kuvišpäi | |
| Tip | Rahvahidenkeskeine |
| Oficialižesti | Men's World Day |
| Praznuitas | kül'mkun ezmäine sobat |
Mail'man mužikoiden päiv (ven.: Всемирный день мужчин) — praznik, mitte pidetas kül'mkun ezmäižel sobatal. Om tehtudlehtmehen da kirjutajan Džordž Kindelan tahton mödhe kül'mkus vodel 2000 Venan magistratan, Ühtenzoittud Rahvahiden Organizacijan Venan erišton pämehen da toižiden rahvahidenkeskeižiden organizacijoiden tugel. Kuctud Kindelal Mihail Gorbačov tariči tehtas praznikan ühteks tegijoišpäi da pämeheks, kaik hüvin otiba necen idejan.[1][2][3]
Praznik ei tehnus tutabaks rahvahidenkeskeižes mirus. Se praznuitihe oficialižesti Avstrijas vozil 2000—2004 da Germanijas vodel 2003[4], möhemba praznikal oli oficialitoi status.
Mail'man mužikoiden päiväl vozil 2000—2006 Venas kaikuččen voden anttihe «Mail'man mužikoiden premijan» tutabile politikmehile, tedomehile, biznesmehile, kul'turradnikoile, taidehradnikoile; Mugoine žo premii akoile anttihe vozil 2004—2009 keväz'kun augotišes. Vodelpäi 2010 oli pättud ühtenzoitta nenid premijoid da tehta ühthižen Mail'man premijan (The World Awards), vaiše nece idei mugažo pigai koli.
Homaičendad
- ↑ Александра Егорова. Всемирный день мужчин в 2023 году: история и традиции праздника // Комсомольская правда : сайт. — 2022. — 11 февраля.
- ↑ Исчезнувший праздник: Всемирный день мужчин // Радио Sputnik / РИА Новости : сайт. — 2022. — 22 октября.
- ↑ Первого ноября отмечается Всемирный день мужчин. Утро.ру (2008).
- ↑ Weltmännertag: Ein Tag mit vielen Missverständnissen