Mail'man leibän päiv
| Mail'man leibän päiv | |
|---|---|
 | |
| Oficialižesti | World Bread Day |
| Om tehtud | vodel 2006 |
| Praznuitas | leibänpaštajad, leibän pidäjad |
| Päiv | 16. redukud |
| Tradicijad | konferencijad, ozutelused da mastar'-klassad leibän paštateses |
| Om sidotud | Ühthižrahvazkundoiden Sömtavar- da maorganizacijan augonpanendan päivänke vodel 1945 |
Mail'man leibän päiv (ven.: Всемирный день хлеба, angl.: World Bread Day) — rahvahidenkeskeine praznik, miččen joga voden praznuitas 16. redukud. Nece päiv om omištadud kaikid popularižembale mail'mas sömtavarale — leibäle, mitte znamoičeb äjiden kul'turoiden päkal'huded da verod.
Istorii
Praznik om sätud vodel 2006 Rahvahidenkeskeižen leibänpaštajiden da magupaštajiden ühtištusen tomotusen mödhe (International Union of Bakers and Confectioners, UIBC). Praznikan pätegend — om ozutada leibän znamoičendad mehiden jogapäiväižes elos, sen panendas söndaha da man elomištoho, da mugažo homaita problemad, miččed oma sidotud sömtavaroiden vajagudenke da gol'l'udenke.
Päivän valičend ei ole muite. 16. redukud vodel 1945 om tehtud Ühthižrahvazkundoiden Sömtavar- da maorganizacii. Organizacijan pätegend om vägestuz näl'gänke da man elomišton kehitoitust kaikes mail'mas. Mail'man sömtvaroiden päiv, mitte mugažo praznuitas 16. redukud, om sidotud Ühthižrahvazkundoiden Sömtavar- da maorganizacijan radonke i om oigetud sömtavaroiden varumatomuden tarkudehe[1].
Praznuičemine
Necel päiväl ristitud el'getas leibän tärgedut da jugedusid, miččed oma sidotud sen tegendanke. Juvän semendusespäi paštandahasai — kaikutte etap pakičeb tarkut da mastarut. Kaik mail'm spasiboičeb niid, ken tegeb da lahjoičeb meile armast paštatest.
Necel päiväl pidädas erazvuiččid azjtegoid, konferencijoid, ozutelusid da mastar'-klassoid leibän paštateses, miččed om oigetud sen kul'turižen znamoičendaha da sidotud sömtavaroiden vajaguden heitändanke erazvuiččiš maiš[2].
Homaičendad
- ↑ Всемирный день хлеба. Русский этнографический музей (16 redukud 2024).
- ↑ Всемирный день хлеба. Санкт-Петербургское государственное бюджетное учреждение «Центр контроля качества товаров (продукции), работ и услуг» (16 redukud 2023).
Tarkendused
- International Union of Bakers and Confectioners (UIBC). Yearbook of International Organizations (YBIO). на сайте «Международная организация хлебопекарной отрасли»