L'jež

L'jež
franc.: Liège валлон. Lîdje
Флаг Герб
50°38′23″ с. ш. 5°34′14″ в. д.
Valdkund	Bel'gii
Адм. центр	Liège'i provints[d]
Глава	Willy Demeyer[d]
Istorii da geografii
Tegemižen päiv	VIII век
Pind	68,65 (2021)
Высота	66
Aigvö	UTC+1[d], летом UTC+2:00[d]
Eläjad
Eläjad	▼195 278 чел. (1 vilukud 2022)
Lugud
Telefonan kod	04
Počtan indeksad	4000, 4020, 4030, 4031 da 4032
Официальный сайт(fr.)
Mediafailad RUWIKI-tedoiš

L'jež (franc.: Liège [ljɛːʒ], alam.: Luik [lœyk], vallonijan kelel: Lîdje [liːtʃ], saks.: Lüttich [ˈlʏtɪç], latin.: Leodium / Leodicum) om lidn Bel'gijan päivnouzmas. Se om L'ježan agjan administrativine keskuz.

Istorii

Eländpunkt om tetab Leodium-lidnaks Rimalaižen imperijan aigaspäi. Nimel om parallelid germanižiš, ukrainan i venän keliš, rekonstruiruiše kut *liudik-, libub germanižes *liudiz-tüvespäi «rahvaz». Mainitase dokumentoiš vspäi 558 kuti Vicus Leudicus. Kirjutadud purtkiden mödhe, hristanuskondan otand regionas kändihe täudeks 8. voz'sadal.

Voz'sadoiš L'jež oli sodaazegišton konstruktoroiden päsijaks. 16. voz'sadaspäi se oli hilen samižen, terasen i azegišton tehmižen kaikiš znamasižembiš keskusišpäi. Molembiden mail'man sodoiden aigan lidn oli okkupiruidud Saksanman sodavägil.

L'jež šingotase logistikan keskuseks, elektrotehnižel sarakol, aviakosmižil tegimil (Airbus:an i Arian 5-raketan palad), sömtegimištol (jondveden, oluden i šokoladan pästand).

Geografijan andmused

Lidn sijadase agjan pohjoižes, Urt-jogen lanktendan Maasha randoil. Matkad Alamaiden Maastriht-lidnhasai om 33 km pohjoižhe orhal, Saksanman Aahenhasai om 53 km pohjoižpäivnouzmha.

Eläjad

Vl 2015 lidnan eläjiden lugu oli 197 013 ristitud. Läz 750 tuhad ristituid elädas lidnaglomeracijas 1879 km² pindal (2008).

Valdkundaline francijankel'ne L'ježan universitet (franc.: Université de Liège) radab lidnas vspäi 1817, 26,8 tuh. üläopenikoid vl 2021.

Transport

Kundaline transport om avtobusad da taksid.

Järedad jogiport (15,8 mln tonnoid vl 2007, 3. sija Evropas) i lendimport (vspäi 1990, 660 tuhad tonnoid vl 2016, 8. sija Evropas) ratas L'ježas jüguiden täht päpaloin.

Galerei

• Liège - Palais des Princes-Evêques.jpg

  L'ježan ruhtinasiden-episkopiden pert'kulu (2007)

• Cathédrale Saint-Paul de Liège.jpg

  Ph. Pauloin päjumalanpert', vn 2011 nägu

• Ulg.jpg

  L'ježan universitet (2007)

Homaičendad

Irdkosketused

• Lidnan oficialine sait (liege.be). (fr.) (alam.) (saks.)  (angl.)