Kut minä mänetin kezad

Рувики-späi

"Kut minä mänetin kezad" (ven.: "Как я провёл лето") om tradicionine školan temkirjutez[1]. Kirjutuzrad, miččes starinoitas ičeze meletusiš da tundmusiš kezalebaiduses[2]. Tobjimalaz necen temkirjutesen kirjutadas openduzvoden augotišes.

Istorii

Oppindoiden mödhe, temkirjutesed "Kut minä mänetin kezad" tuliba eloho vozil 1900[3].

Vozil 1920 harjoitused openikoiden täht necen temkirjutesen mödhe tugezi sovetskii opendai-novator Stanislav Šackiii (ven.) (vep.[4].

Sovetskijas da venälaižes školas nece tem tegihe tradicionižeks.

Školpästnikad. Pirdai Jakov Haimov. 1958 voz'

Vodel 2022 Kriman opendajad tehtihe opendajiden keskes parahiman temkirjutesen konkursan "Kut minä mänetin kezad". Konkursaha ühtniba opendajad kaikel Venämalpäi. Vägestajad saiba muštlahjad[5].

Vodel 2024 Lapsiden tavaroiden, radoiden da holitusen tegijoiden Associacijan ohjandai Mihail Vetrov kändihe Venäman openduzministranno Sergei Kravcovanno taričendanke vajehtada temkirjutesed "Kut minä mänetin kezad" penile videorolikoile, miččid openikad voižiba tehta kaiken kezalebaidusen aigan[6].

Tedod

Tradicijan mödhe openikad kirjutadas temkirjutesen "Kut minä mänetin kezad" sügüz'kus, openduzvoden emäižil päivil.

Sädairadon tem om kompleksine, se om rindatadud starinoičendannoks (ven.) (vep. — se om likui, eläb. Se ei ole röunotadud žanral — starinoičend ("Käveluz mecas"), kuviteluz ("Minun armaz bobaine") vai meletand ("Kenen minä tahtoin olda"), a ühtenzoitab kerdalaz kuverz'-se žanrad[7].

Sädai kirjutuzrad znamoičeb kebnan starinoičendaп, maksimaližen elomištin ozutandan, orijentacijan pagin kel'he[8].

Tobjimalaz openikad kävutoitas verbad-sanad: openzimoi ujumaha, ajelimoi merele, adivoičetimoi babannoks, dressiruin koirad, vändin sebranikoidenke irdal, kerazin babukoid mecas, lebaižimoi kezalageriš, nägin mäged, käl'bimoi meres, sebrastimoi Vika-susedanke, kacuin norembad velled da toižed[9]. Völ aktivišti kävutoitasoiš epitetad[10], rindatused (ven.) (vep., giperbolad (ven.) (vep. da toižed taidehvarad.

Openikad temkirjutesen aigan. 2020 voz'

Oppindod

Oppindoiden mödhe, temkirjutesed necen teman mödhe ezmäižen kerdan openikad kirjutadas toižes klassas[10]. Filologan Aleksandra Bovčar mel'pidon mödhe 11. vodes openikad sadas harjoitusen starinoita kezalebaiduses enamba 8 kerdad[10].

Ühtes ičein kirjuteses Bovčar homaiči:

Temkirjutez mänetadud kezas om opendajiden manituz, mitte tegeb ühtvedoid da paneb homaičusid muštho, toivoid sihe, miše kirjutades temkirjutest lapsed sirdäsoiš uzihe tundmusihe.

Psihologan, opendajan da publicistan L'udmila Petranovskan (ven.) (vep. sanoiden mödhe, temkirjutez kezalebaiduses[1]:

Andoi voimusen lapsile oficališti starinoita da vajehtadas tundmusiš da saubata temad. Sidä paiči, kerdalaz, vaumičendata, ičenaine rad tekstan tegemižes oli opendajan täht kuti ekspress-diagnostik oloiš, da ühtel aigal šokterapii, miše vaumita lapsid radoho (lapsiden täht). Temkirjutez oli kuti ritual, simvol, mitte znamoiči: kezalebu lopihe, edel om sur' rad, se aig om keratas da zavodida rata.

Opendai Julia Leonova meletab, miše temkirjutez kezalebaiduses «abutab zavodida opendusen ei tedoiden formaližes kodvindaspäi, a kebnas harjoitusespäi, miččen tehtes openikal ei linne stressad[11].

Opendajan Al'ona Žukovan mel'pidon mödhe mugoiččen harjoitusen openikoile anttas ei openduzmahtoiden kodvindan täht, a miše läheta opendajad openikanke jäl'ghe pit'rad erigoičust, voimuz' heitta stressad opendusen augotišespäi hüviden johtutesiden abul»[11].

Jäl'genduz

  • Ezisanad — ladib tulijan temkirjutesen temad. Se tundištoitab ühthižen temkirjutesen azjoidenke, miččed oliba kezal. Pätegend om käta tarkuden da melentartusen edaližen materialan andandas.
  • Päpala — nece om temkirjutesen pala, miččes starinoitas kezaaigan päazjoiš: kävutamine uzihe lidnoihe da maihe, matkad sebranikoidenke, melentartuižed tundištoituzmatkad, praznikad da festivalid. Starinoitas ei vaiše azjtegoiš, no i tundmusiš nägištadud.
  • Lopsanad — loppalas tobjimalaz oma kirjutajan ühtvedod kezalebaiduses, ozutades männuziden azjtegoiden znamoičendad da sadud mahtištod[12].

Kul'turas

Lapsiden taidehfil'mas «Pened ricarid» (ven.) (vep. nor' opendai Ketevan paremba tundištoitase ičeze openikoidenke da tegese lähemba heidenno vaiše jäl'ghe kezalebaidusen temkirjutesen kodvindad.

Sovetskijas taidehfil'mas voden 1978 «Uded kapitanan Vrungel'an azjtegod» (ven.) (vep. anglian kelen urokal opendai andab openikoile harjoitusen kirjutada temkirjutesen «Kut minä mänetin kezad» — «The summer holiday»-teman mödhe. Pioneran Vas'a Lopuhinan mel'kuvitelused oma ani kaikes fil'man süžetas.

Homaičendad

  1. ↑ 1 2 Л. Петрановская. «Как я провёл лето» по-новому // Русский язык. — Издательский дом «Первое сентября», 2001. — № 32. Архивировано 10 redukud 2006 года.
  2. ↑ Русский язык. Модели сочинений и алгоритмы написания для школьников / Е. А. Андреева. — М.: АСТ, 2022. — 192 с. — стр. 44-45
  3. ↑ Осовский Е. Г., Зеткина И. А. Макар Евсевьевич Евсевьев: просветитель, учёный, педагог. — Мордов. гос. пед. ин-т. — Саранск: «Крас. Окт.», 2003. — С. 93. — 172 с.
  4. ↑ Шацкий С. Т. Шацкий С. Т. Педагогические сочинения: в 4 т.. — М.: Просвещение, 1962—1965.
  5. ↑ Петренко, Е.. Учителя предложили коллегам поучаствовать в конкурсе сочинений «Как я провел лето», Учительская газета (3 heinkud 2022). Дата обращения: 26 sügüz'kud 2025.
  6. ↑ Общественник Ветров предложил вместо сочинений на тему "Как я провел лето" снимать видео, m24.ru. Дата обращения: 26 sügüz'kud 2025.
  7. ↑ Под редакцией:Казанской В. Л., Нурлыгаянова И. Н., Руленковой Л. И.Кабо Л. Современное образование: теория и практика. Сборник учебно-методических работ: учебно-методическое пособие. — Берлин: Директ-Медиа, 2016. — С. 42. — 255 с.
  8. ↑ Работа над словом на уроках русского языка в начальных классах: сборник статей // М.: Просвещение. — 1973. — С. 136.
  9. ↑ {{Книга|автор=Р. К. Луцкина|заглавие=Коррекция речевого и умственного развития учащихся вспомогательной школы в процессе специального обучения: Учебное пособие|место=Каз. пед. ин-т им. Абая — Алма-Ата|издательство=КазПИ|год=1989|страниц=87|isbn=}
  10. ↑ 1 2 3 Александра Бочавер. Хватит думать о лете! // Первое сентября. — Издательский дом «Первое сентября», 2004 (уду к проведению первого урока). Архивировано 12 elokud 2014 года.
  11. ↑ 1 2 «Если ребёнок всё придумал, то никто проверять не будет»: что писать в сочинении «Как я провёл лето». Добро Медиа (16 elokud 2024). Дата обращения: 26 sügüz'kud 2025.
  12. ↑ Зернова, О. М., Фрумкина, Г. А. Рекомендации по написанию сочинения. — М., 2016. — 32 с.

Literatur

  • Галковская, Т. «Как я провёл лето». Сочинение на вольную тему // Зеркало недели. — 31 августа — 6 сентября 2002. — № 33 (408).
  • Кабо Л. Как писать сочинение. Памятка для учащихся средних школ. — Русский язык № 43, 1999. — С. 32.
  • Ляшок, А. С. "Дети перестройки": жизненные миры школьников 1980-х – 1990-х годов // Вестник Пермского университета. Серия: История. — 2013. — № 2 (22).
  • Шумкина О. Н. Трансформация жанра школьного сочинения в современной образовательной среде. — Hominum №2, 2021. — С. 111—123.

Lähtked

Om sadud "https://vep.ruwiki.ru/w/index.php?title=Kut_minä_mänetin_kezad&oldid=528559"