Kosmine Jamato-sodalaiv

«Kosmine Jamato-sodalaiv» (japon.: 宇宙戦艦ヤマト Učū senkan Jamato) om japonine manga da anime-serial ozaitelemižen da tedoližen fantastikan žanras. Režissör om Leidzi Macumoto.

Kaik om 3 sezonad serialas: 1974−1975 (I, 26 epizodad), 1978−1979 (II, 26 epizodad), 1980−1981 (III, 25 epizodad). Kaikutte epizod om 30 minutad hätkte. Läksi ekranoile Japonijas vozil 1974−1981 Iomiuri-telekanalal. Anglijankel'ne versii tuli ekranoile Star blazers («Tähthasižpindžakod»)-nimenke Pohjoižamerikas i Avstralijas vll 1979−1984.

Süžet

Vl 2199 verazplanetalaižed lodas Maha anastamha sidä. Hö oma seižujad radiacijad vaste, i amptas radioaktivižil šlibakoil Man pindad. Ristitud sirtas manaluižhe, heile piidab lähtta planetaspäi ühtes vodes päzumha henghe. Sil-žo aigal toižen civilizacijan kosmoslaiv tirpib avarijad Marsal, i löutas kirješt, miše Iskander-planetan ohjandainaine kucub Man eläjid sirdmaha heidennoks Surhe Magellanan Pil'vhe, mugažo Kosmo-Kliner-ladim om hänel puhtastamha Man radioaktivižes redustandaspäi. Instrukcijan mödhe kosmoslaivaspäi Man eläjad kätas upnuden Jamato-linkoran kosmižeks kiruhkreiseraks, mitte oigendase Iskanderannoks Dzüzo Okita-kapitanan ohjandusen al.

Roliden änetoitand

• Dzüzo Okita-kapitan — Goro Naja
• Susumu Kodai — Kei Tomijama
• Mamoru Kodai — Tajičiro Hirokava
• Juki Mori — Joko Asagami
• Daisuke Sima — Süsei Nakamura
• Dziro Sima — Dzünko Sakata
• Siro Sanada — Takeši Aono
• Analizator — Kenjiči Ogata
• Hikozaemon Tokugava / Sakezo Sado — Ičiro Nagai
• Sukeharu Jabu — Mičihiro Ikemizu
• Jošikazu / Giiči Aihara — Sindzi Nomura
• Jasuo Nanbu — Kazuo Hajasi
• Kendziro Ohta — Josito Jasuhara
• Saburo Kato — Akira Kamija, Kiton Jamada (8.-10. epizodad)
• Akira Jamamoto — Kazujuki Sogabe
• Heikuro Todo-admiral — Masato Ibu
• Kaoru Šintani-keitai — Akira Kimura

Kacu mugažo

• 2199: Kosmine odissei (fil'm)
• Uz' Jamato
• Kosmine Jamato-sodalaiv 2199 (remeik)

Homaičendad

Irdkosketused

• Serial imdb.com-saital.  (angl.)