Ibadan
| Ibadan | |
|---|---|
 | |
| 7°23′47″ с. ш. 3°55′00″ в. д.GЯO | |
| Valdkund | |
| Istorii da geografii | |
| Tegemižen päiv | 1829 |
| Pind |
|
| Высота | 230 |
| Aigvö | UTC+1[d] |
| Eläjad | |
| Eläjad |
|
| Fail:Locator Map Ibadan-Nigeria.png | |
 Mediafailad RUWIKI-tedoiš | |
Ibadan (mugažo anglijan kelel, virktas [ɪˈbædən], jorub.: Ìbàdàn) om lidn Nigerijan suvipäivlaskmas. Se om valdkundan koumanz' lidn eläjiden lugun mödhe, Ojo-štatan administrativine keskuz.
Istorii
Eländpunktan aluz om pandud vl 1829 kuti sodalager'. Jäi lidnaks-sodavaldkundaks 20. voz'sadahasai. Vspäi 1893 kändihe britanižen protektoratan palaks i torguindan keskuseks.
Ibadan šingotase sidotud maižandushe sarakoil (söndtorhuden torguind, tedoidused), tekstilin, nahkan i söndtavaroiden tehmižel, kosmetikan da tabaktegesiden pästandal.
Geografijan andmused
Lidn sijadase 150..275 m korktusil, 230 m ü.m.t. keskmäižel korktusel. Matkad Lagos-porthasai om 120 km suvipäivlaskmha, Abudž-pälidnhasai — 530 km pohjoižpäivnouzmha. Nell' päjoged jokstas lidnan territorijadme: Kudeti, Ogbere, Ogunp (angl.: Ogunpa) i On (Ona).
Klimat om tropižen savannan lühüdanke kuivsezonanke tal'vkus-uhokus (45 mm sezonas). Il'man keskmäine lämuz vajehtase +24..+27 C° röunoiš vodes läbi, ekstremumad oma +10 C° i +39 C°. Paneb sadegid 1233 mm vodes, enamba kaiked semendkus-heinkus, sügüz'kus i redukus (152..188 mm kus).
Ibadan jagase 11 administrativižeks rajonaks: viž lidnas i kuz' ezilidnas.
Eläjad
Vl 2006 kaikiden rajoniden eläjiden lugu oli 2 559 853 ristitud. Läz 6 millionad ristituid om lidnaglomeracijas (2021).
Islam i hristanuskond (protestantoiden jumalankodikundad päpaloin) oma päreligijoikš eläjiden keskes.
Vspäi 1962 Ibadanan universitet[1] radab lidnas (angl.: University of Ibadan, 35 tuh. üläopenikoid vl 2018). Sen ližaks, lidnas om 13 tošt universitetad i kolledžad üläopendusen pordhiden andandanke.