Gamburger

Gamburger om sendvičun toižend. Se kogoneb čaptud räkištadud kotletaspäi leiktud nižunikas.

Lihan ližaks (se om lehmänliha päpaloin), gamburgeras voib olda äi erazvuiččid magutesid, ozutesikš: ketčup i majonez, salatlehtesed, marinuidud ogurc, toreh vai räkištadud lauk, pomidor.

Istorii

Gamburgeran nimituz libui germanižes Gamburg-lidnan nimespäi, äi ristituid ujuiba sišpäi Amerikha elämižhe. Saksan kelen Hamburger-sana znamoičeb «gamburgine» i om adjektivaks.

Vl 1921 amerikaine White Castle-kompanii Kanzasaspäi zavodihe radod, i sen aigan čudosižed gamburgerad oliba kompanijan firmblödaks. Seižui arv (viž centad vhesai 1946) i čudokahuz vediba ostajid. Kahtelmused produktan varuitomudes oliba heittud edheotandan Billi Ingram-pidajan nügal tegendal, konz paukatud ristitud vauged halat päl sädiba mel'kuvad, miše eskai lekarid osttas gamburgeroid. 1940-nziden voziden lopus White Castle-firman konkurentad kazvoiba, McDonald’s tegihe todesižeks konkurentaks.

Toižendad

Čizburger (angl.: cheeseburger, anglijan cheese-sanaspäi «sagud») — mülütab saguden palliškoid, se ei ole gamburgeraks faktižikš, no erine blöd.
Fišburger (angl.: fish «kala») — gamburgeran toižend, siš lihakotlet vajehtase räkištadud kalaks.
Čikenburger (angl.: chicken «kana») — gamburgeran toižend mülütab kanalihad.
Vedžiburger (gardenburger) om gamburger lihata.
Tofuburger — mülütai tofud gamburger lihan sijas.
Eggburger (angl.: egg «muna») mülütab kanamunid lihan sijas.

Kacu mugažo

Kiruhsöm

Edesine lugemine

Smith, Andrew. Hamburger: A Global History. London: Reaktion Books, 2008. 155 lpp. (angl.) — Lp. 128 archive.org-saital. ISBN 978-1-86189-390-1.