Fukujama Masaharu

Рувики-späi
Masaharu Fukujama
福山雅治
Фукуяма, Масахару.jpg
Üleižed tedod
Täuz' nimi
Sündundpäiv 6. uhokud 1969(1969-02-06) (57 лет)
Sündundsija
Ma
Professijad pajanik, muzikant, pajoiden avtor, muzikaline prod'user, akt'or, fotokuviden tegii, runoilii
Radon aig 1990 — nügüdehesai
Muzikvändimed voka, gitar, bas-gitar, klavišad, bang-vändimed, hula-garmonik
Žanrad J-pop, pop, rok
Psevdonim Maša (libo Mas'a) (kucundnimi)
Leiblad BMG Japan (1990—99)
Universal Music (2000 — nügüdehesai)
Pauklahjad
Allekirjutuz
Изображение автографа
Официальный сайт
Логотип РУВИКИ.Медиа Mediafailad RUWIKI-tedoiš

Masaharu Fukujama (ven.: Масахару Фукуяма, japon.: 福山雅治, angl.: Masaharu Fukuyama, om sündunu 6. uhokud 1969, Nagasaki[d] или Nagasaki[d][1]) — japonialaine pajanik da muzikant (mul'tivändai)[2]. Lahjakahiden ristituiden Amuse, Inc.-ecindagenstvan ezinik.

Fukujama lendihe japonialaižele pop-scenale voziden 1990 augotišes, kaik nene voded hän om popul'arine artist, kudamb iče kirjutab melodijoid da sanoid[2].

Elostarin

Masaharu om sündunu 6. uhokud vodel 1969 Nagasaki-lidnas Japonijas. Ezmäižen "Tsuioku no Ame no Naka"-singlan da Dengon-al'boman pästi eloho vodel 1990[2].

Vozil 1991—1992 läksi eloho völ kaks' al'bomad, a vodel 1991 hän ozutihe ezmäižen kerdan televidenijal, vodel 1992 hänen "Good Night"-singl kului Ai Wa Dou Da-teledramas. Fukujama vändi siš ičtaze. Necil-žo vodel hän ajelihe Japonijadme, vedäškanzi ičeze šoud ani vodhesai 1998[2].

Vodel 1993 läksi eloho hänen videnz' Calling-al'bom, se putui ezmäižele sijale Oricon-čartas da oli mödud 450 tuhad kerdad. Siloi Fukujamad kuctihe uz'vozližele "Kohaku uta gassen"-telekoncertale, nece oli sur' satuz' hänen täht[2].

Vodel 1994 hänen "It's Only Love / Sorry Baby"-singl mödihe million kerdad. Necil-žo vodel eloho läksi uz' On and On-al'bom, mitte möst putui ezmäižele sijale Oricon-čartas[2].

Voded 1990 da 2000 tegihe satusekahikš Masaharun täht. Hänen pajod "HELLO" (1994), "Squall" (1996), "HEY!" (1998), "Sakurazaka" (2000), da al'bomad tuliba ezmäižele sijale rahvahaližiš hit-paradoiš[3]. Fukujaman stiliš oma pop-rokan, folkan da soft-rokan elementad. Fukujama lujas čomin mahtab väta gitaril, iče kirjutab muzikad, sanoid pajoihe, hän om ičeze pajoiden prod'usser.

Ühtes muzikanke sirdi edehepäi ak'toran karjerad. Hän vändi pärolid mugoižiš fil'moiš, kut "Suspect X" (2008), ven.: "Ковчег из пепла" (2012), ven.: "Человек-паук: Нет пути домой" (2021, kameo), ven.: "Любовь не с первого взгляда"-serialas (2018). Hän sai Japonijan kinoakademijan premijan parahimas mužikan roliš "Suspect X"-detektivas (japon. 容疑者Xの献身, Yōgisha X no Kenshin). Fil'm kerazi enamba 4.9 mlrd jienad[4].

Vodel 2021 vändi kameod ven.: "Человек-паук: Нет пути домой"-blokbasteras[5]. Vodel 2025 hänen "Talking F.M."-radioprogrammale täudui 30-vot.

Personaline elo

28. sügüz'kud vodel 2015 Masaharu Fukujama nai aktrisal Kadzuki Satol. Vodel 2021 heil sündui laps'[6][7].

Diskografii

  • 1990 — Dengon (伝言, Paginad)
  • 1991 — Lion (Lev)
  • 1991 — Bros. (Velled)
  • 1992 — Boots (Čibletad)
  • 1993 — Calling (Kucmuz)
  • 1994 — On and On (Edemba da edemba)
  • 1998 — Sing a Song (Pajata pajod)
  • 2001 — F
  • 2006 — 5 Nen Mono (5年モ, Vižtoštkümne vot)
  • 2009 — Zankyō (残響, Kajaduz)
  • 2014 — Human (Ristit)
  • 2017 — AKIRA
  • 2022 — -Code-/-Decode-[8]

Valitud fil'mografii

  • "Galileo" (2007, 2013) — Manabu Jukava
  • "Doraemon: Nobita da uz' terasine armii "Suugikahad angelad"" (2011) — Mijabiaki Fukujama (änetoitab)
  • "Rurouni Kenšin: Sur' lämoipalo Kiotos" (2014) — Hiko Seidzuro
  • "Rurouni Kenšin: legendan lop" (2014) — Hiko Seidzuro
  • "Sensacii!" (2016) — Šizuka Mijakonojdzo
  • "Armastusen pajo" (2016, TV-serial) — Kohei Kamiširo
  • "Koumanz' rikoi" (2017) — Tomoaki Sigemori
  • "Ragaind" (2017) — Jamura-detektiv
  • "Sizar scenarijan mödhe" (2018) — Sosuke Saidzö
  • "Ristit-hämähouk: Ei ole matkad kodihe" (2021) — kameo
  • "Legenda da lipikaine" (2023) — Od Nobunag[9]

Homaičendad

  1. ↑ 福山雅治 > Biography (яп.). Barks. Global Plus Inc. Дата обращения: 13 vilukud 2026.
  2. ↑ 1 2 3 4 5 6 Masaharu Fukuyama — Biography. AllMusic. Дата обращения: 13 vilukud 2026. Архивировано 14 sügüz'kud 2017 года.
  3. ↑ Масахару Фукуяма: главное. music.apple.com. Дата обращения: 13 vilukud 2026.
  4. ↑ Масахару Фукуяма: биография. vsedoramy. Дата обращения: 13 vilukud 2026.
  5. ↑ Слитые кадры из «Человека-паука: Нет пути домой» раскрыли три крупных камео. soyuz. Дата обращения: 13 vilukud 2026.
  6. ↑ Личная жизнь Масахару Фукуяма. vokrug. Дата обращения: 13 vilukud 2026.
  7. ↑ Масахару Фукуяма и Фукиши Казуе стали родителями. yesasia. Дата обращения: 13 vilukud 2026.
  8. ↑ Масахару Фукуяма. Студийные альбомы. universal-music. Дата обращения: 13 vilukud 2026.
  9. ↑ Масахару Фукуяма. Фильмография. film. Дата обращения: 13 vilukud 2026.

Lähtked

Om sadud "https://vep.ruwiki.ru/w/index.php?title=Fukujama_Masaharu&oldid=529765"