Fort Loderdeil

Fort Loderdeil
Флаг Герб
26°08′09″ с. ш. 80°08′31″ з. д.
Valdkund	Amerikan Ühtenzoittud Valdkundad
Глава	Dean Trantalis[d]
Istorii da geografii
Tegemižen päiv	27. keväz'kud 1911
Pind	94,045083 99,899764 (1 sulakud 2010)
Высота	11
Eläjad
Eläjad	▲182 760 чел. (1 vilukud 2020)
Официальный сайт (angl.)
Mediafailad RUWIKI-tedoiš

Fort Loderdeil (angl.: Fort Lauderdale [ˌfɔrt ˈlɔːdərdeɪl]) om AÜV:oiden kurortlidn Florid-štatan suvipäivnouzmas. Se om Brauard-ümbrikon administrativine keskuz.

Istorii

Eländpunktan aluz om pandud koumeks lidnuseks (fortaks) vl 1838 Kahtenden Seminolan sodan aigan (1835−1842) sijaližid indejalaižid vaste. Fortad oliba nimitadud Uil'jam Loderdeil-majoran kanzannimen mödhe (William Lauderdale, 1782–1838). Sodan jäl'ghe ned oliba okaidud pol'voz'sadaks. Eländpunkt sai lidnan statusad oficialižešti vn 1911 27. päiväl keväz'kud.

Fort Loderdeil šingotase lebuturizmal vodes läbi (13 mln tulijoid vl 2018 i enamba mi nell' tuhad restoranoid ümbrikon ezilidnoidenke), jahtansauvomižen, «Maxim Integrated»-kompanijan järedal palakundal (mikroshemad), fil'miden i TV-oigendusiden tehmižel. Kaik 50 tuhad jahtoid om registriruidud lidnas.

Geografijan andmused

Lidn sijadase Atlantižen valdmeren randal, 2,75 m ü.m.t. keskmäižel korktusel. Veziteiden severz'-se sadoid kilometrid om lidnas. Matkad Majamihesai om 40 km suvhe.

Klimat om tropine vihmmecoiden. Voden keskmäine lämuz om +25,1 C°, absolütine minimum oleskeli –2 C°. Paneb sadegid 1550 mm vodes, vähemba «tal'ven» kuidme.

Eläjad

Vn 2010 AÜV:oiden rahvahanlugemižen mödhe lidnan eläjiden lugu oli 165 521 ristitud. Kaikiš suremb ristitišt om nügüd'. Lidn mülüb Majamin aglomeracijha (6,1 mln eläjid vl 2017).

Irdkosketused

• Lidnan oficialine sait (fortlauderdale.gov).  (angl.)
• Suren Fort Loderdeilan turizman sait (sunny.org).  (angl.)