Depp Džonni
| Džonni Depp | |
|---|---|
| angl.: Johnny Depp | |
 | |
| Nimi | Džonn Kristofer Depp II |
| Sündund päiv | 9. kezakud 1963[1][2][…] (63 года) |
| Sündund sija | |
| Rahvahuz' |
 AÜV |
| Professii | akt'or, kinoohjandai, kinoprod'user, gitarist, pajatai, kompozitor, pajoiden kirjutai |
| Radon aig | 1984 — n. a. |
| Pauklahjad |
.png){kind=small} «Sezar»-premii arvtegoiš kinematografas (1999) Amerikan kinoakt'oroiden Gil'dijan premi (2004) «Kuldaine globus»-premii (2008) |
| Allekirjutuz |
 |
 Mediafailad RUWIKI-tedoiš | |
Džon Kristofer (Džonni) Depp II (ven.: Джон Кри́стофер (Джо́нни) Депп II, angl.: John Christopher «Johnny» Depp II;om sündunu 9. kezakud 1963, Ouensboro[d], Kentukki[d]) om amerikalaine akt'or, kinoohjandai, muzikant, kinotarinantegii da prod'user. "Sezar"- da "Kuldaine globus"-premijoiden laureat[4].
Elostarin
Džonni Depp om sündunu 9. kezakud vodel 1963 Ovensboro-lidnas Kentukki-štatas, Amerikas. Vodel 1978 Depp taci opendusen školas da zavodi ozineda ühtes The Kid-rokjoukunke[4].
Vodel 1983 hän tundištoitihe Nikolas Keidžanke, nece vastuz abuti akt'oran kinokarjeran kehitoitusele. Vodel 1984 Depp kuvitelihe tetabasKošmar na ulice V'azov. Ezmäižed sadud rahad hän pästi akt'oran mastaruden urokoile. Vozil 1986—1991 Džonni Depp kuvitelihe «Vzvod», «Džamp-strit 21», «Plaksa», «Edvard Ruki-nožnici»-fil'moiš[4].
Vodel 1996 Džonni Depp sai Londonan kinokritikoiden associacijan premijan parahim voden akt'or nominacijas «Don Žuan de Marko» da «Ed Vud» fil'moiš[4].
Vodel 1996 Džonni Depp tegihe «Hrabrec»-fil'man ohjandajaks,miččes iče ezini päroliš. Fil'm oli nominiruidud Kannskan «Kuldaine pal'movaja vetv'»-kinofestivalin premijale[4].
Vodel 1999 Depp sai «Početnii Sezar»-premijan. Vodel 2000 vändi «Šokolad»-fil'mas da toižiš[4].
Vodel 2003 Depp vändi Džek Vorobjan roliš «Kariban meren piratad: Prokl'atije Černoi žemčužini». Hän sai SAG-premijan parahimas pämužikroliš. Oli nominiruidud Oskar-, BAFTA-, «Kuldaine globus»-premijoile[4].
Vozil 2005—2007 Depp kuvitelihe «Čarli da Šokoladfabrik», «Kariban meren piratad: Kolijan sunduk» da «Kariban meren piratad: Man röunal»[4].
«Suini Todd, demon-parikmaher Flit-stritalpäi»-fil'man päroliš sai «Kuldaine globus»-premijan «Parahim mužikrol'»-niminacijas, oli nominiruidud «Oskar»-premijale da sai «Parahim kinokanghan zlodei» MTV Movie Award-premijan[4].
Vozil 2011 da 2017 hän möst kuvitelihe Džek Vorobei-roliš «Kariban meren piratad: Na strannih beregah»[4] и «Kariban meren piratad: Kolijad ei starinoičegoi sarnoid».
Džonni Deppal om ičeze tähtaz gollivudan Arvostusen käveluzkujol[4].
Personaline elo
Ezmäine Džonni Deppan ak oli grim'orša Lori Enn Ellison, kudambanke hän erigoitihe vodel 1985[4]. Lori Enn Ellison radab vizažistan da om hžviš sidomusiš enččen ukonke[5].
Vodel 1998 Džonni Depp tundištoitihe aktrisanke Vanessa Paradi, vodel 1999 heil sündui Lili-Rouz Melodi Depp-tütär, vodel 2002 sündui Džon Kristofer Depp III-poig. Vodel 2012 Depp da Paradi erigoitihe toine toiženke[4].
Vodel 2011 Depp tundištoitihe aktrisanke Ember Hörd. Vodel 2015 hö naiba, a semendkus vodel 2016 Hörd andoi azjbumagad razvodale. Voden 2017 augotišes hö erigoitihe[6].
Ember Hörd väriti Deppad vägivaldas da sud kel'di Deppale tulda Hördannoks. Jäl'ghe razvodad, akt'orale pidi maksta Hördale 7 millionad dollarad. Depp zavodi enččen akan vasthapäi azjtegon, miččes pakiči, miše hänele enzne ak paksaiži 50 millionad dollarad ses, miše Hörd levenzoiti tedoid vägivaldas[7].
Vodel 2022 händast nägištiba Julia Vlasovanke, jäl'ghe erigoitust Enber Hördanke[8]. Kül'mkus vodel 2024 Julia Vlasova tedoti kozičendas[9].
Tetabad fil'mad
| Voz' | Fil'man nimi | Originaline nimi | Rol' |
|---|---|---|---|
| 1984 | Pasten' jalaimiden irdal | A Nightmare on Elm Street | Glen Lanc |
| 1986 | Jouk | Platoon | Gator Lerner |
| 1990 | Edvard käded-raudad | Edward Scissorhands | Edvard käded-raudad |
| 1993 | Mi mokičeb Gilbertad Greipad | What's Eating Gilbert Grape | Gilbert Greip |
| 1993 | Benni i Džun | Benny & Joon | Sem |
| 1993 | Arizonaine unikuva | Arizona Dream | Axel Blackmar |
| 1994 | Ed Vud | Ed Wood | Edvard Vud |
| 1995 | Kolii | Dead Man | Vil'jam Bleik |
| 1995 | Don Žuan de Marko | Don Juan DeMarco | Don Žuan/Džon R. de Marko |
| 1997 | Donni Brasko | Donnie Brasco | Donni Brasko/Džozef D. Pistone |
| 1997 | Rohked | The Brave | Rafael' |
| 1998 | Varu i viha Las-Vegasas | Fear and Loathing in Las Vegas | Raul' Dük |
| 1999 | Unesine alangišt | Sleepy Hollow | Ikabod Krein |
| 1999 | Astronavtan ak | The Astronaut's Wife | Spenser Armakost |
| 1999 | Ühesanded verajad | The Ninth Gate | Din Korso |
| 2000 | Šokolad | Chocolat | Ru |
| 2001 | Aduspäi | From Hell | Frederik Ebberlain |
| 2003 | Kerdan Meksikas | Once Upon a Time in Mexico | Šeldon Sends |
| 2003 | Kariban meren piratad: "Mustan Žemčužinan" soiverduz | Pirates of the Caribbean: The Curse of The Black Pearl | Džek Paskač |
| 2004 | Noidma | Finding Neverland | Džeims Met'ju Barri |
| 2004 | Peitoline ikun | Secret Window | Mort Reini |
| 2005 | Čarli i šokoladfabrik | Charlie and the Chocolate Factory | Villi Vonka |
| 2006 | Kariban meren piratad: Kolijan lipaz | Pirates of the Caribbean: Dead Man's Chest | Džek Paskač |
| 2007 | Kariban meren piratad: Mail'man randal | Pirates of the Caribbean: At World's End) | Džek Paskač |
| 2009 | Džonni D. | Public Enemies | Džon Dillinžer |
| 2009 | Parnas-doktoran kuvitelium | The Imaginarium of Doctor Parnassus | Toni |
| 2010 | Alisa Čudoiden Mas | Alice in Wonderland | Meletoi šläpnik |
| 2010 | Turist | The Tourist | Frenk Tapelo |
| 2011 | Kariban meren piratad: Vaskmäižil randoil | Pirates of the Caribbean: On Stranger Tides | Džek Paskač |
Homaičendad
- ↑ Johnny Depp // filmportal.de — 2005.
- ↑ Johnny Depp // Brockhaus Enzyklopädie (нем.) / Hrsg.: Bibliographisches Institut & F. A. Brockhaus, Wissen Media Verlag
- ↑ Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #119151537 // Gemeinsame Normdatei (нем.) — 2012—2016.
- ↑ 1 2 3 4 5 6 7 8 9 10 11 12 13 Биография Джона (Джонни) Деппа. РИА Новости (9 kezakud 2013). Дата обращения: 5 kül'mkud 2025.
- ↑ Мариана Панкина. Как выглядит и чем занимается первая жена Джонни Деппа Лори Энн Эллисон, про которую все забыли. Grazia (14 redukud 2022). Дата обращения: 5 kül'mkud 2025.
- ↑ Александра Лисица. Джонни Депп сравнил брак с Эмбер Херд с жизнью с матерью. Газета.ru (21 sulakud 2022). Дата обращения: 5 kül'mkud 2025.
- ↑ Джонни Депп выиграл дело против бывшей жены Эмбер Херд. Интерфакс (1 kezakud 2022). Дата обращения: 5 kül'mkud 2025.
- ↑ Джонни Депп закрутил роман с русской красавицей. Смотрите, на кого клюнул звезда Голливуда. 74.ru (13 heinkud 2024). Дата обращения: 15 heinkud 2024.
- ↑ "Русская девушка" Джонни Деппа сообщила о помолвке. m24.ru (20 kül'mkud 2024). Дата обращения: 5 kül'mkud 2025.