Deborra-Li Ferness
| Деборра-Ли Фернесс | |
|---|---|
| angl.: Deborra-Lee Furness | |
 | |
| Sündund päiv | 8. tal'vkud 1955[1][2] (70 лет) |
| Sündund sija | |
| Rahvahuz' | |
| Professii | aktrisa |
| Radon aig | 1975 — наст. время |
| Pauklahjad | "Hobedaine rakovina parahimale aktrisale" (1991) |
| IMDb | ID 0299028 |
 Mediafailad RUWIKI-tedoiš | |
.svg){kind=small}
Deborra-Li «Deb» Ferness (angl.: Deborra-Lee Furness; om sündunu 8. tal'vkud 1955[1][2], Sidnei[3][4]) - avstralialaine kino- da TV-aktris, režiss'or da prod'user.
Biografii
Förness kazvoi Mel'burnas i lopi keskškolad siš. Zavodi aktrisan kar'jerad vodel 1975. Openzihe Amerikalaižes teatrčomamahtoiden akademijas (Nju Jork) i lopi sidä vodel 1981, vändi rolid amerikalaižes «Felkon Krest»-serialas (lähtli efiraha vozil 1981−1990). Sid' pördui Avstralijaha. Todesine tetabuz' tuli vodel 1988 «Huiktuz»-fil'man pästandan jäl'ghe, naine sai kaks' arvlahjad roliš.
Deborra-Li om Hju Džekman-akt'oran ak vodelpäi 1996, kazvatiba kaks' last ühtes.
Vodel 2005 aktrisa mužikanke da azjakahan Džon Palermo-partn'oranke paniba kinotehnižen Seed Productions-kompanijan augonpanendad.
Personaline elo
Vodel 1996 Deborra-Li läksi mehele akt'oran Hju Džekman taga, kudambanke tundištoitihe «Коррелли»-serialan sjomkoiden aigan vodel 1995. Jäl'ghe kaht ozatomad kohtust para oti poigaks Oskar Maksimillianad vodel 2000 (om sünd. 15. semendkud vodel 2000), a vodel 2005 Hju da Deb otiba tütreks Ava Eliotad (om sünd. 10. heinkud vodel 2005). Sügüz'kus vodel 2023 Hju Džekman da Deborra-Li Ferness eriganziba. Aigas päliči Ferness sanui, miše heiden erigoitusen sü oma Džekmanan da Satton Fosteran kosketused.
Vilukus vodel 2025 Džekmanad da Fosterad ezmäižen kerdan nägištet'he rahvahale, mil vahvištiba paginad romanas heiden keskes[5]. Semendkus vodel 2025 Hju Džekmanan ak Deborra-Li Ferness oficialižesti oigenzi azjbumagoid erigandusele akt'oranke, kahtes vodes päliči jäl'ghe todesišt erigandust. Kaik nece aig hö nikut ei voinugoi tulga ühthe mel'he, kut jagata elomištod, mitte maksub 250 mln dollarad[6].
12. kezakud vodel 2025 Hju Džekman da Deborra-Li Ferness eriganziba oficialižesti[7].
Vodel 2025 Deborra-Li ühtni ven.: Тепло антител-tragikomedijan sjomkoihe, kus ozutadas artistoiden elo Nju-Jorkas kevädel vodel 2020, konz kaik ištuiba kodiš koronovirusan taguiči[8].
Valitud fil'mografii aktrisaks
- Kožumatomad unikuvad (1985) — Joudjuden kuvapacaz;
- Mürkad vajehtused / Mägikacui (1986) — Li;
- Huiktuz (1988) — Asta Kedell;
- Kargand piikoipimedas / Pahad angelad (1988) — aiglehtesen report'or;
- Jäl'gmäine parahimišpäi (1990) — Linda Deli;
- Matknik (1991) — Aivi;
- Uzištusiden möjad (1992) — Ester Jakobs;
- Angelčočo (1995) — Luiza Gudman
- Kuningazline ara (1998) — Bet Girdis;
- Džindabain (2006) — Džud;
- Kävund unes (2008) — Danni;
- Čomuden arv (2009) — Missis Tomson;
- Blažennijad (2009) — Tan'a;
- Öižiden varjoičijoiden legendad (2010) — Berren (än');
- Peitusiden lidn: kadonu (2023)[8].
Homaičendad
- ↑ 1 2 Internet Movie Database (англ.) — 1990.
- ↑ 1 2 https://www.allmovie.com/artist/p25382
- ↑ 1 2 https://www.csfd.cz/tvurce/18501-deborra-lee-furness/oceneni/
- ↑ 1 2 https://www.moviemeter.nl/director/2876
- ↑ Андрей Бурков. Хью Джекман и его новая возлюбленная впервые появились на публике, чем подтвердили слухи о романе. Профиль (8 vilukud 2024). Дата обращения: 9 vilukud 2024.
- ↑ Жена Хью Джекмана официально подала на развод. Дата обращения: 29 semendkud 2025.
- ↑ Сергей Чиков, Юлия Васильева. Хью Джекман официально развелся спустя 27 лет брака: подробности. kp.ru (25 kezakud 2025). Дата обращения: 27 kezakud 2025.
- ↑ 1 2 Деборра-Ли Фернесс. Дата обращения: 30 redukud 2025.
Lähtked
- Deborra-Li Ferness „Internet Movie Database“-saital (angl.)
- Deborra-Li Ferness „KinoPoisk“-saital (ven.)