Brašov
| Brašov | |||||
|---|---|---|---|---|---|
| rom.: Brașov[1] saks.: Kronstadt mad'j.: Brassó | |||||
 | |||||
|
|||||
| 45°39′ с. ш. 25°36′ в. д.GЯO | |||||
| Valdkund | |||||
| Адм. центр | Brașov[d] | ||||
| Глава | Allen Coliban[d] | ||||
| Istorii da geografii | |||||
| Tegemižen päiv | 1234 | ||||
| Pind |
|
||||
| Высота | 600 ± 1 | ||||
| Aigvö | EEDT[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 0268 | ||||
| Počtan indeksad | 500001–500670[2] | ||||
| Avtomašinoiden nomeroiden kod | BV | ||||
|
|
|||||
| Официальный сайт | |||||
| Fail:Brasov jud Brasov.svg | |||||
 Mediafailad RUWIKI-tedoiš | |||||
Brašov (rom.: Brașov [braˈʃov], mad'j.: Brassó, saks.: Kronstadt) om Romanijan lidn valdkundan keskuzpalas. Se om valdkundan seičemenz' lidn eläjiden lugun mödhe, Brašovan ümbrikon administrativine keskuz.
Istorii
Eländpunkt mainitase ezmäižen kerdan vl 1235 kuti Koron-fartal jumalanpertinno, lidnan latinan nimi om Corona tähäsai. Industrii radaškanzihe kahten mail'man sodan aigkeskustal, se vedi äi radnikoid valdkundan toižiš paloišpäi. Pästtihe toralendimid, sid' jüguavtoid, möhemba traktorid.
Brašov šingotase ROMAN-jüguavtoiden pästandal, mašinansauvomižen edheotandoil (avtopalad, gidravližed transmissijad, pörutüged, käziinstrument), sauvondmaterialiden tehmižel, tekstil'tegimištol, oluden keitandal.
Geografijan andmused
Lidn sijadase ümbrikon keskuzpalan päivnouzmas, 538 m ü.m.t. keskmäižel korktusel. Om ümbärtud Karpatoiden suvipalal. Matkad Buharesthasai om 166 km suvhe.
Klimat om ven kontinentaline. Voden keskmäine lämuz om +7,8 C°, kezakun-elokun +16..+18 C°, tal'vkun-uhokun −2..−4 C°. Paneb sadegid 637 mm vodes, enamba semendkus-elokus (73..97 mm vodes).
Eläjad
Vn 2011 Romanijan rahvahanlugemižen mödhe lidnan eläjiden lugu oli 253 200 ristitud, ezilidnoidenke — 382 896 ristitud 1368,5 km² pindal. Kaikiš suremb lidnan ristitišt oli 331 240 eläjad vl 1983.
Rahvahad (lidnalaižed, enamba 0,4 % vl 2011): romanijalaižed — 91,3 %, mad'jaralaižed — 7,1 %, Transil'vanijan saksalaižed — 0,5 %, čiganalaižed — 0,4 %, toižed rahvahad — 0,7 %.