Blagojevgrad

Blagojevgrad
Герб
42°00′43″ с. ш. 23°05′23″ в. д.
Valdkund	Bolgarii
Istorii da geografii
Pind	28,91
Высота	360
Aigvö	UTC+2:00[d], летом UTC+3[d]
Eläjad
Eläjad	▲73 422 чел. (15 sügüz'kud 2022)
Lugud
Telefonan kod	073
Počtan indeksad	2700
Avtomašinoiden nomeroiden kod	Е
Официальный сайт
Mediafailad RUWIKI-tedoiš

Blagojevgrad (bolg.: Благоевград) om lidn Bolgarijan suvipäivlaskmas. Se om Blagojevgradan agjan administrativine keskuz.

Istorii

Frakijalaižed elänzoittiba tahondad mineralveden purtkidenke. Amuižed grekalaižed nimitihe lidnad Skaptopar (bolg.: Скаптопара). Osmanan imperijan aigan lidn oli tetab Gorna Džumai-nimitusenke (Горна Джумая). Nimitihe nügüdläižikš vl 1950 Bolgarijan kompartijan Dimitr Blagoev-alusenpanijan da lideran kanzannimen mödhe.

Blagojevgrad šingotase tabakfabrikal i oludtegimel.

Geografijan andmused

Lidn sijadase agjan pohjoižröunanno, mägitahondas, 410 m ü.m.t. keskmäižel korktusel. Levitase Strum-jogen alangištos (bolg.: Струма), sen hura Bistric-ližajogi (Бистрица 41 km pitte) läbitab lidnad. Matkad Sofii-pälidnhasai om 100 km pohjoižhe.

Eläjad

Vn 2011 Bolgarijan rahvahanlugemižen mödhe eläjiden lugu oli 70 881 ristitud. Kaikiš suremb lidnan ristitišt oli 71 476 eläjad vl 1992.

Rahvahad (2011): bolgarijalaižed — 95,6 %, čiganalaižed — 2,7 %, toižed rahvahad — 1,3 %, rahvahuden ozutandata — 0,4%.

Professionaližen opendusen aluzkundad oma Suvipäivlaskmaine universitet Neofit Ril'skijan nimed, Amerikaine universitet Bolgarijas (vspäi 1991), tehnine i turistine kolledžad.

Sebruzlidnad

• Italii Leče, Italii (vspäi 2014)
• Grekanma Solun, Grekanma (2003)

Irdkosketused

• Lidnan informacine portal (blagoevgrad.info). (bolg.)