Bil'bao

Bil'bao
bask.: Bilbo isp.: Bilbao
Флаг Герб[d]
43°15′44″ с. ш. 2°57′12″ з. д.
Valdkund	Ispanii
Глава	Juan María Aburto[d]
Istorii da geografii
Tegemižen päiv	1300
Pind	41,6
Высота	19 ± 0
Aigvö	UTC+1[d]
Ekonomik
Eläjad
Eläjad	▼344 127 чел. (2022)
Lugud
Telefonan kod	944
Počtan indeksad	48001–48015
Avtomašinoiden nomeroiden kod	BI
-
Официальный сайт(isp.)
lugeda • diskussii • redaktiruida

Bil'bao (Biskaij-agjan administrativine keskuz. Mülüb avtonomižhe Baskma-ühthižkundha, sen kaikiš järedamb lidn.

Istorii

Eländpunktan aluz om pandud vl 1300 biskaižen Diego Lopes V de Aro-ohjandajan pätandan mödhe.

Bil'bao šingotase meriportal, turizmal i rahaazjoiden sarakol.

Geografijan andmused

Lidn sijadase Nervjon-jogen randoil (Biskaižhe lahthe i sädab estuarijad siš. Bil'baon keskuzpala om 16 kilometras lahtespäi. Ezilidnad oma lahten randal.

Klimat om valdmeren subtropižen i venon röunal. Voden keskmäine lämuz om +14,7 C°, kezakun-sügüz'kun +18..+21 C°, tal'vkun-uhokun +9..+10 C°. Ekstremumad oma −8 C° i +42 C°. Paneb sadegid 1134 mm vodes, vähemba kezakus-sügüz'kus (50..73 mm kus). Paneb lunt tal'vel lähižiden mägiden pautkil.

Eläjad

Vl 2013 lidnan eläjiden lugu oli 349 356 ristitud. Kaikiš suremb lidnan ristitišt oli 433 115 eläjad vl 1982, sid' vajehtihe lidnan municipalitetan röunoid, i ristitišt poleni statistižikš.

Läz 1 mln ristituid elädas ezilidnoidenke.

Transport

Avtobusad, tramvaid i metropoliten (vspäi 1995, vl 2017 om koume jonod, 48 stancijad, 43 km raudted) oma kundaližeks transportaks lidnas. Avtobusad i ezilidnjonused ühtenzoittas ezilidnoidenke. Meriport radab Biskaižen lahten randal.

Rahvahidenkeskeine civiline Bil'bao-lendimport (BIO / LEBB, bask.: Bilbo-Loiu aireportua, isp.: Aeropuerto de Bilbao, 5,4 mln passažiroid vl 2018) radab ühesas kilometras pohjoižhe lidnan keskusespäi.

Homaičendad

Irdkosketused

• Lidnan oficialine sait (bilbao.eus). (isp.) (bask.)  (angl.)