Armstrong Lui

Armstrong Lui
angl.: Louis Armstrong
Lui Armstrong vl 1953
Nimi:	angl.: Louis Daniel Armstrong
Sündundpäiv	4. elokud 1901(1901-08-04)
Sündundsija:	Uz' Orlean, Louisiana osariik[d], Amerikan Ühtenzoittud Valdkundad
Kolendpäiv:	6. heinkud 1971(1971-07-06) (69 лет)
Kolendsija:	Nju Jork, Nju Jork[d], Amerikan Ühtenzoittud Valdkundad
Valdkund	Amerikan Ühtenzoittud Valdkundad
Professijad:	akt'or, street artist, trompetist, bandleader, dirigent, džässmuusik, pajanik, filmimuusika helilooja, kinoaktrisa, muzikant, laulukirjutaja, raadiosaatejuht, salvestusmuusik, kirjutai
Супруга	Lucille Armstrong[d]
Pauklahjad da premijad	Gollivudan Tetabuden käveluzkujon tähtaz[d]
Allekirjutuz
Sait	louisarmstronghouse.org
Mediafailad RUWIKI-tedoiš

Lui Armstrong (angl.: Louis Armstrong, psevdonimad Louie, Satchmo, Pops; sünd. 4. eloku 1901, Uz' Orlean, Luizian, AÜV — kol. 6. heinku 1971, Nju Jork, Nju Jork-štat, AÜV) oli amerikalaine torvenvändai, pajatai (bariton, bas-profundo) i ansamblin ohjandai, edesti sädusid džazan stiliš. Tegi äjan džazan i amerikaižen popmuzikan populärizacijan täht mail'madme. Elon aigan om pästtud 55 platad hänen änetusidenke. Edesti anglijan kelel. Kirjuti iče enamba 50 pajod, äjad kändihe džazan klassikaks.

Kaikiš tetabambad kompozicijad oma «Stardust», «When The Saints Go Marching In», «Dream a Little Dream of Me», «Ain't Misbehavin'», «You Rascal You», «Stompin' at the Savoy», «We Have All the Time in the World», «Hello, Dolly!», «What a Wonderful World».

Biografii

Lui Armstrong oli sündnu Uden Orleanan goll'hä rajonha i kanzha. Uil'jam Armstrong-tat okai pereht Lui-vagahaižen aigan völ. Meri Albert-mam radoi prostitucijan sferas, i andoihe Luid norembaiženke Beatris-sizarenke kazvatamha Džozefin-babale. Meri oti lapsid tagaz, pidi hol't heiš tarkuseta, no kazvati Beatrisad täudehe ighäsai.

Lui toi kivihil't i möi lugendlehtesid lapsessai. Seičemevozne prihaine abutaškanzi kivihilen Karnoffski-torgovanoiden kodiš, hö oliba evrejalaižed immigrantad Litvanmaspäi i kändihe prihan kazvatajikš. Üks'toštkümnevozne Lui eli se maman udes kanzas, se tatan udes kanzas. Vl 1914 priha vändaškanzi kornetal irdansambliš i edesti muzikad ičeze elon lophusai.

Kanz

Muzikant oli naižiš nell' kerdad, no üks'jäine Šeron Preston-Folta-laps' om sündnu naindan irdpolel.

Valitud diskografii

Originaližed al'bomad

• 1944 — «Jazz Classics» (Klassine džaz)
• 1951 — «Satchmo at Symphony Hall» (Satčmo Simfoni-hollas)
• 1951 — «Satchmo at Pasadena» (Satčmo Pasadenas)
• 1954 — «Louis Armstrong Plays W.C. Handy» (Lui Armstrong edestab U.K. Hendi:n sädusid)
• 1954 — «Louis Armstrong and the Mills Brothers, Volume One» (Lui Armstrong i «Mills Brothers», tom 1)
• 1956 — «Satchmo the Great» (Satčmo om Sur')
• 1956 — «Ella and Louis» (Ella i Lui)
• 1957 — «Louis Under the Stars» (Lui tähthiden al)
• 1959 — «The Five Pennies» (Viž pennid)
• 1964 — «Hello, Dolly!» (Holl'oo, Dolli!)
• 1968 — «The One and Only» (Ezmäine da üks'jäine)
• 1970 — «What a Wonderful World» (Mitte čomakulu mail'm)

Homaičendad

Irdkosketused

• Muzei Lui Armstrongan mustoks, Nju Jork (louisarmstronghouse.org).  (angl.)