Öläpakaine
| Öläpakaižed | ||||||||||
|---|---|---|---|---|---|---|---|---|---|---|
Tedoklassifikacii | ||||||||||
|
||||||||||
| Latinankel'ne nimi | ||||||||||
| Microchiroptera (Dobson, 1875) | ||||||||||
| Areal | ||||||||||
|
Öläpakaižed vai Öläpakod (Käzisuugaižed-heimkundha.
Toižed nimed: Öpälläkod, Öpäräižed.
Leviganduz
Öläpakod elädas kaikil kontinentil päiči Antarktidas, ei olele tundras i polärižiš rajoniš. Magadusen sijad oma karad, kall'oiden haugelmased, avaruded puiden südäimes.
Elädas suril joukuil penes avarudes, erased kogotas pol'tošt sadad tuhoid eričuid, sen tagut mitte taht infekcii levitab joukudme teravas.
Elonmahtuz da söte
Aktivine elo oleskeleb öl, lebaitas päiväl. Uinotas käpšuil pä alahaks, miše voiži zavodida lendust lankten. Voidas vitkostada ičeze metabolizmad da uinota kahesha kuhusai vodes, no ei voigoi eläda vedeta käziden-suugiden suren pindan da purustusen tagut.
Öläpakaižiden erazvuiččed erikod södas gavedid. Erased erikod voidas söda kalad, vaiše kazmusid vai joda linduiden da imetaiživatoiden vert (koume suviamerikalaižid erikod), mecatas käzisuugaižiden toižid erikoid. Sured erikod voidas söda šihlikoid, löcuid.
Znamoičend
Kontakt živatoidenke om varuline ristitun täht. Kanttas vedenpöl'gästuzläžundan bacilloid, koronavirusoid da Ebolan virusad elonmahtusen tagut.
Valitud sugukundad
- Emballonuridae
- Rhinopomatidae
- Craseonycteridae (üks'jäine erik om Craseonycteris thonglongyai), Tailand, Mjanmar
- Rhinolophidae
- Nycteridae (üks'jäine heim om Nycteris)
- Megadermatidae
- Vespertilionidae — Järgeližed öläpakaižed
- Molossidae
- Antrozoidae
- Natalidae (kümne erikod koumes heimos)
- Myzopodidae (üks'jäine Myzopoda-heim kahtenke erikonke), Madagaskar
- Thyropteridae (üks'jäine heim om Thyroptera)
- Furipteridae