Vepsän rahvahan sarnad
| Vepsän rahvahan sarnad. Вепсские народные сказки | |
| Avtor |
Vepsän rahvaz |
|---|---|
| Žanr |
Sarnad |
| Originalan kel' | |
| Original om paindud |
2022 |
| Paindai |
Vepsän kul'tursebr |
| Носитель |
Audiokirj |
Vepsän rahvahan sarnad (Žukova Ol'ga, muzikaline čomenzoitamine - änenohjandai Larisa Hačeva, taidehpirdai - Darja Hil'. Kirj läksi eloho vodel 2022 Vepsän kul'tursebran "Vepsän etnopark "KALARAND""-projektan aigan Prezidentan fondan rahatugel Petroskoiš Karjalas. Kirj om oigetud lapsile, školan openikoile da aigvoččile. Kirjan prezentacii mäni Petroskoiš.[2]
Kirjan südäimišt
Kirjas om keratud sarnad, miččed oli kirjutadud vepsläižil erazvuiččil vozil heiden kodimal. Sarnad om valitud erazvuiččiš fol'klorkogomusišpäi, kut vepsän kelen parahimad ozutesed. Ezmäižen kerdan ned oli paindud vodel 2011 «Iče kulin, iče nägin» («Сам видел, сам слышал»)-kirjas, miččen tegii om tedomez', filologian tedokandidat, vepsän kelen opendai Žukova Ol'ga. Vodel 2012 «Vepsän kul'turvoden» aigan "Juminkeko"-fondan abul kirj oli paindud völ kerdan.
Vepsläižed om Venäman vähäluguine igähine rahvaz. Vepsän kel' om suomalaiž-ugrilaižen kel'kanzan pala. Vepsän rahvahan ezitatad oli endevanh ves'-heim, kudambad äi kerdoid johtutadihe venälaižiš aigkirjoiš kut čud'-heim. Suomalaižiden tedomehiden melen mödhe vepsän kel' om suomalaiž-ugrilaižiden rahvahiden «sanskrit».
Ei amu vepsläižed eliba järviden keskištos koumen suren Änižen, Ladogan da Vauktan pohjoižjärven keskes. Nügüd' vepsläižed eläba Karjalas, Piterin da Vologdan agjas.
Vepsläižiden päpala kaiči kel't da kul'turad, sikš ku eli ühtes. Vepsän rahvahan fol'kloran jured oma amuižed. Vepsläižed sarnad eroneba toine toižespäi ei vaiše süžetoil, no taidehmahtoil, kelel. Ned sadoid vozid anttas suspäi suhu kut sarnoiden mastril - sarnoiden starinoičijoil, mugažo külän eläjil.
Sarnoiš ozutadas čoma, ilosine mir, kus oiktuz' kaiken aigan vägestab. Sarnoid navediba lapsed da vanhembad.
Vepsän rahvahan sarnad-audiokirj om änestadud «Kalarand»-projektan aigan, mitte Vepsän kul'tursebr pästi eloho Prezidentan grantoiden fondan rahatugel vozil 2021-2022 Karjalas Petroskoiš.
Sarnad
Sarnad kuluba kaikes 34 minutad 47 minutad[3]
1. Savesine poig 03:34 (lugeb Danil Fatejev)
2. Kut mužik jäi emägaks 01:43 (lugeb Kirill Gapanovič)
3. Taivaz lanksi 06:09 (lugeba Zahar Korkin, Kristina Strelkovič)
4. Kut poig kävui lidnha 02:48 (lugeb Ales’a Anušenkova)
5. Kondi i reboi 01:53 (lugeb Darja Fedorenko)
6. Nagriž pertin päl 04:04 (lugeb Arina Koz’uk, Larisa Čirkova)
7. Laskav Maša 03:09 (lugeb Darja Bošakova)
8. Kurged 02:17 (lugeb Darja Švecova)
9. Priha nägišti jänišan 01:10 (lugeb Gleb Fomin)
10. Nor’ ak 01:56 (lugeb Maria Kočerina)
11. Saldat da mechine 04:44 (lugeb Jevgenii Fotejev)
Sarnoid änestiba Šokšun, Šoutjärven, Kaleigen da Suomalaiž-ugrilaižen školan openikad da vepsän kelen opendajad, mugažo Vepsän kul'tursebran aktivistad, Petroskoin universitetan üläopenikad.