Uf
| Uf | |||||
| bašk.: Өфө | |||||
.jpg) | |||||
| |||||
| Valdkund | |||||
|---|---|---|---|---|---|
| Глава | |||||
| Istorii da geografii | |||||
| Tegemižen päiv | |||||
| Pind |
| ||||
| Высота |
150 | ||||
| Aigvö | |||||
| Ekonomik | |||||
| Eläjad | |||||
| Eläjad |
| ||||
| Lugud | |||||
| Telefonan kod |
347 | ||||
| Počtan indeksad |
450000–450999 | ||||
| - | |||||
|
| |||||
| lugeda • diskussii • redaktiruida | |||||
![Флаг[d]](/wiki/Fail:Flag_of_Ufa.svg)
![Герб[d]](/wiki/Fail:Coat_of_arms_of_Ufa.svg)
Uf (Baškortostanan Tazovaldkundan pälidn da kaikiš suremb lidn, sädab Ufan lidnümbrikod, mugažo om Ufan rajonan administrativižeks keskuseks.
Ufanlidn om Venäman järed transporttesol'm, tazovaldkundan ižandusen keskuz i openduzkeskuz.
Istorii
Nügüdläižen eländpunktan aluz om pandud vl 1574 kuti lidnuz (puine kreml'). Se sai lidnan statusad vl 1586.
Vspäi 1802 Uf oli Orenburgan gubernijan pälidnaks, sid' vozil 1865−1919 — Ufan gubernijan keskuseks. Kändihe mašinansauvomižen keskuseks tegimiden evakuacijan tagut Suren sodan aigan.
Uf šingotase kivivoin ümbriradmižel, himižen tegimištol, mašinansauvomižel (avialikutimed, avtopalad, agregatad, mašiništ kivivoin sarakon täht), elektrotehnižen sarakon tegimil (mikroelektronikan «Magnetron», telekommunikacine mašiništ, transformatorad), raudbetontegesiden (kaks' tegint) i klejatud faneran pästandal, sömtegimištol.
Geografijan andmused
Lidn sijadase tazovaldkundan keskuses, ühtennimižen jogen muugotil randoil sen lanktendan sijas Vaugedjogehe (Volgan bassein), 150 metrad keskmäižel korktusel valdmeren pindan päl. Reljef om tazo jogialangištoidenke. Lidnan keskuz sijadase muga nimitadud «Ufan pol'sarel» Vauged- da Uf- jogiden keskes. Uf seižub mecstepin zonan pohjoižes. Kaik 20 karad om lidnan manaluižes.
Matkad Moskvhasai om 1567 km raudtel päivlaskmha. Lähembaine toine järed lidn om Sterlitamak 100 kilometras suvhe.
Tobmuz
Uf jagase seičemeks administrativižeks rajonaks, sen ližaks 24 eländpunktad mülüdas lidnümbrikho.
Ufan lidnümbrikon pämez' om sen Nevondkundan ezimez'. Edeline ezimez' om Valerii Trofimov (4. kucund, sügüz'ku 2016 — sügüz'ku 2021).
Lidnümbrikon Administracijan edeližed pämehed:
- Mihail Zaicev (keväz'ku 1992 — keväz'ku 1995)
- Fidus Jamaltdinov (vn 1995 keväz'kuspäi)
- Ruf Nugumanov (vn 2000 elokuspäi)
- Pavel Kačkajev (2003 — tal'vku 2011)
- Irek Jalalov (vspäi 2011)
- Ul'fat Mustafin (kül'mku 2018 — reduku 2020)
- Radmil Muslimov (reduku — tal'vku 2020, velgusentäutai)
- Sergei Grekov (tal'vku 2020 — uhoku 2022)
Nügüdläine Ufan Administracijan pämez' om Ratmir Mavliev vn 2022 uhokuspäi.
Eläjad
Vl 1913 lidnan ristitišt oli 100 700 eläjad. Vn 2010 kaiken Venäman rahvahanlugemižen mödhe lidnan eläjiden lugu oli 1 062 319 ristitud, lidnümbrikon — 1 071 640 ristitud. Vl 2017 kaik 1 115 560 eläjad oli lidnas i 1 126 098 eläjad kaikes lidnümbrikos, tazovaldkundan ristitišton kaks' seičemendest. Kaikiš suremb ristitišt om nügüd'. Läz 1,45 mln ristituid elädas lidnaglomeracijas (Uf i lähižed rajonad, 2017).
Rahvahad (enamba 1 % vl 2010, ozutadud rahvahudenke): baškiralaižed — 17,1 %, ukrainalaižed — 1,2 %, toižed rahvahad — 4,5 %.
Hristanuskondan 24, islaman 18 pühäpertid da judaizman üks' pühäpert' oma olmas lidnas.
Transport
Rahvahidenkeskeine civiline Uf-lendimport[3] (UFA / УФА / UWUU, 3,5 mln passažiroid vl 2019) sijadase 22 kilometras suvhe lidnan keskusespäi. Sišpäi tehtas reisid Evropan i Azijan maihe, Venämadme tobjimalaz, mugažo čarterreisid lebutahoihe.
Avtobusad, trolleibusad, tramvaid da taksid oma kundaližeks transportaks lidnas. Raudtesild da koume avtotesildad ühtenzoittas Vaugedjogen randoid. Jogitransport om šingotadud, kezaaigan om ehtatimid jogiš päliči.
19. voz'sadan lopus «Samar — Čeläbinsk»-raudte tuli lidnha. Ühesa raudtestancijad om Ufas.
Galerei
- Мэрия Уфы 2022-05.jpg
Lidnümbrikon Nevondkundan i Administracijan sauvuz (2022)
Baškortostanan Tazovaldkundan Nacionaline Bank (2013) — Venäman Keskuzbankan palakund (vspäi 2014)
- Ar-Rahim mosque (Ufa)-1.jpg
«Ar-Rahim»-pämečet' om sauvomas, vn 2020 nägu
- Church of the Nativity of the Theotokos (Ufa)-1.jpg
Jumalanmaman sündundan päjumalanpert', vn 2020 nägu (ortodoksine hristanuskond)
Ufan kivivoinümbriradai tegim vl 2022
- Дом Кооперации (Башпотребсоюз) (Республика Башкортостан, Уфа, улица Ленина, 26 (Коммунистическая улица, 52)), фото 1..JPG
Bašpotrebsojuz (Kooperacijan pert') vl 2014
- Ufa, Republic of Bashkortostan, Russia - panoramio (202).jpg
KPD-bizneskeskuz vl 2014
«Uralsib»-bankan sauvuz (2011)
- Holiday Inn Hotel in Ufa.jpg
Holiday Inn-adivpert' (2018)
Baškiran valdkundaližen universitetan fiziž-matematine fakul'tet (2019)
Baškiran akademine dramteatr (2015)
- Центральный рынок (Уфа).JPG
«Central'nii»-torguindkompleks (2011, Keskuzline, ende Keskuztorguz)
«Akbuzat»-ippodrom (2011)
- Ufa, Zorge 75.jpg
«ZorgeFitness»-sportkompleks (2022)
Uf-lendimport vl 2019
- Ufa Railway Station 2016.jpg
Uf-päraudtestancijan sauvuz vl 2016 i tramvain rengaz
.jpg)
Tetabad sündnuded
- Andrei Gubin (sünd. 1974) — Venäman estradan pajatai, muzikankirjutai, muzikprodüser.
Homaičendad
- ↑ 1,0 1,1 http://bashenc.online/ru/articles/80047/
- ↑ 2,0 2,1 УФА // Большая российская энциклопедия. Электронная версия (рус.) — Большая российская энциклопедия, 2016.
- ↑ Ufan lendimportan sait (airportufa.ru).(ven.)(angl.)
Irdkosketused
- Lidnümbrikon Nevondkundan sait (gorsovet-ufa.ru).(ven.)
- Lidnümbrikon Administracijan sait (ufacity.info).(ven.)
 |
Uf Vikiaitas |
| Baškortostanan Tazovaldkundan lidnad | ||
| Agidel' | Baimak | Belebei | Beloreck | Birsk | Blagoveščensk | Davlekanovo | Dürtüli | Išimbai | Janaul | Kumertau | Meleuz | Mežgor'je | Neftekamsk | Oktäbr'skii | Salavat | Sibai | Sterlitamak | Tuimazi | Učali | Uf | ||
| Venälaižen Federacijan subjektoiden pälidnad | ||
| Joškar-Ol | Moskv | Sur' Uz'lidn | Tümen' | Uf | Ulan Ude | Ul'janovsk | Vladikavkaz | Vladimir | Vladivostok | Volgograd | Vologd | Voronež | ||