Svetlana Jeršova

	Svetlan Jeršova
	ven.: Светлана Ершова
	Svetlana Jeršova - vepsän kelen da kul'turan kaičiiSvetlana ičein kodinno
nimi:	Svetlana Abramova
Sündundpäiv	1956 (68 vot)
Sündundsija:	Ladv-külä
Rahvahuz'	Sovetskii Sojuz→Venäma
Professijad:	vepsän kelen da kul'turtan tundii, muzejan tegii
Pauklahjad da premijad	«Podporožjen rajonan arvostadud eläi»-arvnimi
Erazvuitte	Vepsän kul'tursebran ühtnik
	This box: diskussii • redaktiruida

Kodvdud kirjutez

Svetlana Ivanovna Jeršova (ven.: Светлана Ивановна Ершова)^[1], om sündunu vilukun 28. päiväl vodel 1956 Ladv-külähä Podporožjen rajonas Piterin agjas vepsläižes kanzas, Sovetskii Sojuz) — vepsän kelen da vepsläižen fol'kloran tundii, Kurban vepsän muzejan tegii, aktivist.

Elostarin

Svetlana Jeršova (enzne Abramova) om sündunu vepsläižes kanzas Ladv-küläs Podporožjen rajonas Piterin agjas. Hänen kanz oli vepsläine, i Svetlana penespäi kuli i pagiži vepsän kelel. Ühtes Svetlananke kanzas kazvoiba vӧl sizar da kaks' vel’t. Konz läheližes Kurb-küläs tehtihe lespromhoz da avaitihe uz' škol, kaik kanz tuli elämaha Kurbale.

Ezmäižehe klassaha Svetlana mäni Kurbal. Hän navedi opetas i tahtoi völ laps'aigaspäi olda opendajan da opeta lapsid külän školas. Sikš, konz lopi školan, päzui opendamhas Piterin Pedagogižehe institutaha. Jäl'ges hän pördihe kodiröunale i vodespäi 1977 radaškanzi matematikan opendajan Kurban školas, miččes konz-se iče openzihe. Sid' hän mäni mehele i heiden kanzas sündui kaks' tütärt. Svetlana Ivanovna ičeze ezikuval openzi neičukaižid armastada kodiröunad da vepsän kel't. Vanhembal Ol'u-tütrel vepsän kel' tegihe eloradoks. Hän enamba 20 vot oli Petroskoin valdkundaližen universitetan vepsän kelen opendajan, hüvin polesti kandidatan dissertacijan, miččen tem oli «Vepsläižiden voikuiden kelen erigoičused». Noremb Žen'u-tütär mugažo om sidonu ičeze eloradon opendusenke, hän om školanedeližen kazvatusen radnik. Enamb koumedkümned vot radoi Svetlana Ivanovna Kurban školas da opezi lapsid kut teta matematikan zakonoid, muga i armastada da teta ičeze koiröunad.

Svetlana Ivanovna tütridenke

Vozil 1980, konz oli udessündutadud vepsän kirjutuzkel', Svetlana Jeršova ezmäižen Piterin agjas opendaškanzi vepsän kel't Kurban školas. Hän ajelihe Petroskoihe vepsän kelen kursile, vedeli openikoid konkursoile, tundištoiti toižid tetabidenke ristituidenke. Nece aktivine naine tegi školas «Rusked boleine»-fol'kloransamblin, miččenke ühtni erazvuiččihe praznikoihe da azjtegoihe.

Rad muzejas

Opendajan naprind kaita vepsän kel' da kul'turad nägištiba i hänen openikad. Kezaaigal hö ühtes käveltihe jaugmatkoihe tactud kälihe da jättud pertiš löudaškatihe erasid vepsläižid radkaluid da astjoid, miččid žal' oli jätta sikš, ku sed äjan voižiba starinoita vepsläižiš. Nece oliba savesižed i puižed astjad, tohesižed kašlid, puzud, raudaižed padad, rehtiläd. Kaik kaluid lapsed toskeltihe školha i školas kerazihe äi eksponatoid. Sikš niiden täht školas anttihe honusen, muga i avaižihe «Vepsän kul'turan da elon školmuzei». Ezmäižespäi päiväspäi Svetlana Jeršova om muzejan ohjandajan.

Muzejas paksus mäniba vepsän kelen urokad, kodirandtedon da istorian urokad. Vedäda ekskursijoid muzejas Svetlana Jeršovale abutiba openikad. Openikad vediba ekskursijoid kahtel kelel — vepsaks i venäks.

Muzei tegihe tutabaks, muzejaha tuleškanzi äi adivoid.

Muzei radoi enamb 20 vot, kuni ei sаubatud školad vodel 2009. Svetlana Ivanovna kogonaižen voden ajelihe Piterihe da Podporozjehe erazvuiččihe instancijoihe, miše kaita muzei.

Vodel 2010 Piterin agjan kul'turan upravlenii andoi Kurban muzejale Podporožjen kodirandan muzejan filialan statusan, a Vidlan administracii andoi muzejan täht jättud pert', miše sinnä voiži oli sirtta muzejan kaluid. Vodelpäi 2010 muzei radab udes pertiš.

Nügüd' tegihe paremb, sikš ku muzejaha tuleb äi turistoid, miččed tahtoidas kacta i teta vepsän kul’turad da elod^[2]. Muzei om poselkan eläjiden südäin^[3].

Muga Svetlan Ivanovna eläb i kaičeb vepsan kel’t da kul’turad, kudamb om kalliž hänen hengele. Todeks sanuda, ka Vepsän mal ei ole enamb mugošt ezitatoiden kelen da kul'turan kaicijad^[4].

Svetlana Jeršova Sergei-vellenke vepsän rahvahaližel «Elonpu»-praznikal

Pauklahjad

RSFSRan Rahvahan openduzministerstvan kitändkirjeine (1989).
«Mirun pu»-premii (2011)^[5].
Piterin agjan pämehen kitändkirjeine (1997).
Piterin ahjan Üleižen da tedomahtoižen openduzkomitetan kitändkirjeine (2007).
Podporožjen rajonan arvostadud eläi (2023)^[6].

Homaičendad

↑ Скромная подвижница из Курбы (неопр.). Дата обращения: 12 elokud 2021.
↑ НОЧЬ МУЗЕЕВ В ПОДПОРОЖСКОМ МУЗЕЕ (неопр.). Дата обращения: 18 semendkud 2024.
↑ Музей вепсской культуры в поселке Курба (неопр.).
↑ Светлана Ивановна Ершова (неопр.).
↑ Программа родственных народов вручила премию "Древо мира" (неопр.). Дата обращения: 2 kezakud 2011.
↑ ХРАНИТЕЛЬНИЦЕ ВЕПССКОЙ ИСТОРИИ, КУЛЬТУРЫ И БЫТА ПРИСВОИЛИ ЗВАНИЕ «ПОЧЁТНЫЙ ГРАЖДАНИН ПОДПОРОЖСКОГО РАЙОНА» (неопр.). Дата обращения: 10 heinkud 2023.

Tarkendused

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

[1] Скромная подвижница из Курбы (неопр.). Дата обращения: 12 elokud 2021.

[2] НОЧЬ МУЗЕЕВ В ПОДПОРОЖСКОМ МУЗЕЕ (неопр.). Дата обращения: 18 semendkud 2024.

[3] Музей вепсской культуры в поселке Курба (неопр.).

[4] Светлана Ивановна Ершова (неопр.).

[5] Программа родственных народов вручила премию "Древо мира" (неопр.). Дата обращения: 2 kezakud 2011.

[6] ХРАНИТЕЛЬНИЦЕ ВЕПССКОЙ ИСТОРИИ, КУЛЬТУРЫ И БЫТА ПРИСВОИЛИ ЗВАНИЕ «ПОЧЁТНЫЙ ГРАЖДАНИН ПОДПОРОЖСКОГО РАЙОНА» (неопр.). Дата обращения: 10 heinkud 2023.

[1]

[2]

[3]

[4]

[5]

[6]