Sina Džon

Sina Džon
Džon Sinan ezinend sodavägihepäi ocaižin vl 2010 Džon Sinan ezinend sodavägihepäi ocaižin vl 2010
nimi:	angl.: John Felix Anthony Cena, Jr.
Sündundpäiv	23 sulakud 1977(1977-04-23) (47 vot)
Sündundsija:	West Newbury[d], Massachusetts[d]
Valdkund	Amerikan Ühtenzoittud Valdkundad
Professijad:	kirjutai, elukutseline maadleja, akt'or, dublaažinäitleja, muzikant, reppajatai, tegevprodutsent, maadleja
Mam	Carol Walter[d]
Pauklahjad da premijad	Slammy Award[d] Wrestling Observer Newsletter Hall of Fame[d]
diskussii • redaktiruida

Džon Feliks Entoni Sina (23. sulaku 1977, Uest Njuberi, Massačusets, AÜV) om amerikaine sportnik-restler, mugažo akt'or da hiphoppajatai.

Biografii

Džon om sündnu Massačusets-štatan Uest Njuberi-lidnha. Openui Springfildan kolledžas i om pästtud sišpäi vl 1998 diplomanke sportan fiziologijas.

Džon Sina zavodi sportata kolledžas, oli amerikaižen futbolan vändajan siš. Otnus hibjansauvomižhe pästandan kolledžaspäi jäl'ghe i radoi suriden kebnavtoiden (limuzinoiden) vedajan. Vl 2000 Džon ühtni ezmäižen kerdan WWE:n čempionatha, i sil aigalpäi om WWE:n mail'man 16-kerdaižeks čempionaks.

Personaline elo

Sportnik om šuigan. Oli naižiš Elizabet Hoberdonke vozil 2009−2012. Sid' Džon eli Nikki Bella-sportniknaiženke. Nügüd'aigan (vl 2018) ei ole naižiš.

Fil'mografii

• Jäugvägen merimez' (2006) — Džon Traiton
• 12 raundad (2009) — Denni Fišer
• Neižne kompleksoita (2015) — Stiven
• Sizared (2015) — Pazuzu
• Tervhen tatam, Uz' Voz'! (2015) — Rodžer
• Saskele laineht 2 (2017) — Dž. S. (änetoitab)
• Sein (2017) — Šein Mettjuz-štabseržant
• Tervhen tatam, Uz' Voz'! 2 (2017) — Rodžer
• Ferdinand (2017) — Ferdinand (änetoitab)

Televizii

• Skubi-Du! Borcuindan čomamaht (2014) — edestab ičtaze (änetoitab)
• Flinstounad da WWE: Kiviaigan borcujad (2015) — Džon SinaStoun (änetoitab)

Irdkosketused

• Džon Sina Facebook.com-saital.