Pohjoižosetijan — Alanijan Valdkund
| Pohjoižosetijan — Alanijan Valdkund | |
| Valdkund | |
|---|---|
| Istorii i geografii | |
| Ekonomik | |
| Eläjad | |
| Lugun identifikatorad | |
| - | |
Pohjoižosetijan — Alanijan Tazovaldkund (oset.: Республикæ Цæгат Ирыстон-Алани) om subjekt, üks' sen tazovaldkundoišpäi.
Se mülüb Pohjoižkavkazan federaližhe ümbrikho.
Tazovaldkundan pälidn da kaikiš suremb lidn om Vladikavkaz.
Keled
Valdkundkeled oma osetinan kel'.
Istorii
Pohjoižosetijan — Alanijan Tazovaldkund om olmas vs 1924 heinkun 7. päiväspäi. Sen aluz om pandud kuti Pohjoižosetijan avtonomine agj. Vozil 1936−1993 nimitihe sidä Pohjoižosetijan Avtonomižeks Nevondkundaližeks Socialistižeks Tazovaldkundaks.
Pohjoižosetijan — Alanijan Tazovaldkundan Konstitucii[1] om vahvištadud vn 1994 12. päiväl kül'mkud Ülembaižen Nevondkundan ezitajil da om väges vs 1994 tal'vkun 7. päiväspäi möhembaižidenke vajehtusidenke.
Geografijan andmused
Tazovaldkundal om röunoid Kabardinijan da Balkarijan Tazovaldkundanke, Stavropolin randanke, Čečenijan Tazovaldkundanke, Gruzijanke da Suviosetijanke. Pohjoižosetijan — Alanijan Tazovaldkund om mererandatoi.
Alanii sijadase Suren Kavkazan pohjoižil pautkil da sen ezimägištol. Pohjoine pala seižub tazangištol. Kaikiš korktemb čokkoim om Kazbek (5 033 m) Gruzijan röunal. Päjogi om Terek sen Uruh-, Ardon- i Gizel'don-ližajogidenke. Pind om 7 987 km².
Londuseližed varad oma turbaz, metallad (mouckivi, katekivi, mramor, granit, letked, saved)gidroenergii.
Tobmuz
Tazovaldkundan pämez' om Väčeslav Bitarov, radab vs 2016 uhokun 29. päiväspäi, edel sidä oli tazovaldkundan ohjastusen pämehen vn 2015 sügüz'kun 24. päiväspäi. Parlamentan ühtnijad pandas tazovaldkundan pämest radnikusele.
Pohjoižosetijan — Alanijan Tazovaldkundan Parlament (oset.: Республикæ Цæгат Ирыстоны—Алани Парламент) om üks'kodine 70 ezitajanke. Kaik rahvaz valičeb heid videks vodeks. Aleksei Mačnev radab sen ezimehen vs 2012 kül'mkun 20. päiväspäi kahtenden strokun jäl'geten.
Radonoigendai tobmuz om Pohjoižosetijan — Alanijan Tazovaldkundan Ohjastuz. Taimuraz Tuskaev radab sen ezimehen vs 2016 keväz'kun 1. päiväspäi.
Valitihe Tazovaldkundan pämest parlamentas vl 2016 sügüz'kun 18. päiväl nügüdläine Tazovaldkundan pämez' sai vägestust ezmäižel tural (56 än't 68:späi, 82%). Tazovaldkundan Parlamentan ühtnijoiden järgenduseližed valičendad oliba vn 2017 10. päiväl sügüz'kud (6. kucund).
Eläjad
Vl 2010 kaiken Venäman rahvahanlugemižen mödhe eläjiden lugu oli 712 980 ristitud[3], se oli kaikiš suremb ristitišt. Sündutandmär ületab kolendmärad znamasižešti. Vl 2018 lidnalaižiden pala om 64%.
Kaik om kuz' lidnad tazovaldkundas, 7 lidnanvuittušt žilod da 209 küläd. Toižed järedad lidnad (enamba 35 tuh. eläjid, surembaspäi penembha) oma Mozdok da Beslan. Vl 2018 kaik om 12 eländpunktad enamba mi 10 tuh. eläjidenke.
Rahvahad (enamba 0,4% vl 2010): osetinalaižed — 64,5%, ingušad — 4,0%, kumikalaižed — 2,2%, gruzijalaižed — 1,0%, turkalaižed — 0,5%, azerbaidžanlaižed — 0,4%, kabardalaižed — 0,4%, toižed rahvahad — 2,7%, rahvahuden ozutandata — 0,9%.
Kacu mugažo
Homaičendad
Irdkosketused
- Pohjoižosetijan — Alanijan Tazovaldkundan pämehen da Ohjastusen oficialine sait (alania.gov.ru). (ven.)
- Pohjoižosetijan — Alanijan Tazovaldkundan Parlamentan oficialine sait (parliament-osetia.ru). (ven.)
| Pohjoižosetijan — Alanijan Tazovaldkundan lidnad | ||
| Alagir | Ardon | Beslan | Digor | Mozdok | Vladikavkaz | ||