Ol'ga Žukova

Рувики-späi
Kodvdud kirjutez
Ol'ga Žukova
ven.: Ольга Юрьевна Жукова
Вепсский исследователь, учёный, поэт, преподаватель Ольга Юрьевна Жукова.jpg
nimi:

Jeršova

Sündundpäiv

1978(1978-12-19) (45 vot)

Sündundsija:

Kurb-külä

Rahvahuz'

Sovetskii Sojuz→Venäma

Professijad:

vepsän fol'kloran tundii, tedomez', runoilii

Mam

Svetlana Jeršova

Erazvuitte

Vepsän kul'tursebran ühtnik

This box: diskussii • redaktiruida

Ol'ga Jurjevna Žukova (1978 2023 Petroskoiš) - vepsläine tedomez', runoilii, vepsläižen fol'kloran, sai- da mahapanendvoikuiden tundii, filologian tedokandidat (2009), Venäman tedoakademian Karjalan tedokeskusen Kelen, literaturan da istorian institutan noremb tedoradnik[1], Petroskoin universitetan Filologian institutan docent, vepsän kelen opendai, Vepsän kul'tursebran ühtnik.

Elostarin

Ol'ga Žukova (enzne Jeršova) oli sündunu vepsläižes kanzas Kurb-küläs Podporožjen rajonas Piterin agjas. Hänen mamoi Svetlana Ivanovna Jeršova oli vepsän kelen da matematikan opendai Kurban školas, Vepsän kul'turan muzejan tegii. Ol'ga openzihe Kurban školas. Jäl'ghe školad openzihe Petroskoin universitetas, Baltianmeren-suomalaižiden keliden da kul'turan tedokundal.

Vodel 2001 lopi Petroskoin universitetan. Vozil 2001—2023 radoi vepsän kelen opendajan Petroskoin universitetas (vodelpäi 2007 - kafedran vanhemb opendai, vodelpäi 2019 - Filologian institutan Baltianmeren-suomalaižen filologian kafedran docent).

Vodel 2009 Ol'ga Žukova kirjuti lophusai kandidatan dissertacijan, miččen tem oli «Vepsläižiden voikuiden kelen erigoičused» (special'nost' 10.02.22 — Jevropan, Azian, Afrikan verhiden maiden rahvahiden, Amerikan da Avstralian aborigenoiden keled (vepsän kel')[2].

Vodelpäi 2001 — Baltianmeren-suomalaižen filologian da kul'turan fakul'tetan Karjalan da vepsän kelen kafedran opendai, vodelpäi 2007 года - vanhemb opendai, vodelpäi 2019 - Filologian institutan Baltianmeren-suomalaižen filologian kafedran docent.

Vozil 2012—2023 — Venäman tedoakademian Karjalan tedokeskusen Kelen, literaturan da istorian institutan kel'tedosektoran noremb tedoradnik.

Jäl'ghe jugedad, pit'käd läžundad koli 31.vilukud vodel 2023 Petroskoiš[3].

Ol'ga Žukova oli Itti-Totti" - vepsläižen fol'kloran kogomusen lapsile, tekstoid kirjaha kerazi äi vozid vepsläižiš küliš. Vodel 2023 Ol'ga Žukovan muštoks Vepsän kul'tursebr pästi eloho "Ezmäine änik" - runo- da sarnoiden kogomuz lapsile.

Tedotöd

Ol'ga Žukova kirjuti enamba 40 tedotöd. Hän kirjuti runoid da sarnoid lapsile venän da vepsän kelel, niiden keskes oma[4]:

  • Žukova, О.J. Jazikovie osobennosti vepsskih obr'adovih pričitanii: filologian tedokandidatan dissertacijan avtoreferat...: special'nost' 10.02.22 Jevropan, Azian, Afrikan verhiden maiden rahvahiden, Amerikan da Avstralian aborigenoiden keled (suomalaiž-ugrilaižed da samodiiskijad keled) / Žukova Ol'ga Jurjevna ; [Petroskoin valdkundaline universitet]. - Petroskoi: PetrGU-Painišt, 2009. - 21 l. ; 21 sm. - Bibliografii: l. 20-21 (10 nimed) da alarivižiš homaičusiš.
  • Žukova, О.J. Vepsskie obr'adovie pričitanija: ot poetiki žanra k poetike slova/О.J.Žukova; Venäman tedoakademian Karjalan tedokeskuz, Kelen, literaturan da istorian institut; [tedotoimitai N.G. Zaiceva]. - Petroskoi: Venäman tedoakademian Karjalan tedokeskuz, 2015. - 148, [7] l.: kuvad; 20 sm. - Bibliografii: l. 135-142. - ISBN 978-5-9274- 0648-7.
  • Vepsän kelen lingvistine atlas: VKLA / N.G. Zaiceva, I.I. Mullonen, S. А. Miznikov, О.J. Žukova, I.V. Brodskii; üleine toimitand N.G. Zaiceva; atlasan kartoiden tegemine: N.L. Šibanova; Federaline oppindkeskuz "Venäman tedoakademian Karjalan tedokeskuz" Kelen, literaturan da istorian institut. - Piter: Nestor-Istoria, 2019. - 573 l.: kartad; 30 sm. - Bibliografii: l. 551-556. - 300 ekzempl'arad.- ISBN 978-5-4469-1395-4.
  • Kazakova, М.V. Karjalan man vepsänkeline literatur: libutamine, kehitoitamine, perspektivad: ližaopenduzkirj filologian tedokundan üläopenikoile / М.V. Kazakova, О.J. Žukova; Venäman Federacijan Tedon da korktan školan ministerstv, Federaline valdkundaline korktan školan openduzsija Petroskoin valdkundaline universitet. - Petroskoi: PetrGU-painišt, 2023. – L.9 – 11. ISBN 978- 5-8021-4063-5.
  • Venä-vepsläine abupaginkirj / [tegijad: N.G. Zaiceva, О.J. Žukova; üleine toimitand N.G. Zaiceva]. - Petroskoi: Periodika, 2009. - 215 l. ; 17 sm. - ISBN 978-5-88170-193-2.
  • "Iče kulin, iče nägin": vepsläižed sarnad / sarnoiden kogomusen tegii О. Žukova; pirdai А. Trifanova. - Petroskoi: Verso, 2011. - 43, [1] l.: mujukahad kuvad; 30 sm. - Tekst vepsän da venän kelil. - ISBN 978-5-91997-031-6.
  • Zaiceva, N.G. Vepsän kelen orfografine vajehnik / N.G. Zaiceva, J.J. Haritonova, О.J. Žukova; [tedotoimitai S. А. Miznikov]; Venäman tedoakademii, Karjalan tedokeskuz, Kelen, literaturan da istorian institut. - Petroskoi: Periodika, 2012. - 428 l.; 21 sm. - Tegii vepsän kelel mugažo: N. Zaiceva, J. Haritonova, O. Žukova. - Tekst vepsän da venän kelil. - ISBN 978-5-88170-224-3.
  • "Käte-ške käbedaks kägoihudeks": vepsläižed voikud: kogomuz / Venäman tedoakademian Karjalan tedokeskuz, Kelen, literaturan da istorian institut; tegijad: N.G. Zaiceva, О.J. Žukova; notad S.V. Kosireva. - Petroskoi: Venäman tedoakademian Karjalan tedokeskuz; Kuhmo: Juminkeko, 2012. - 223, [1] l.: faks., notad; 20 sm. - (Juminkeon julkaisuja; n:o 90). - Tekst vepsän da venän kelil. - Paralleline titullehtpol' suomen kelel. - Bibliografii: l. 212-213. - ISBN 978-5-9274-0504-6.
  • Vinokurova, I.J. Vepsläižiden mifologii: enciklopedii / I.J. Vinokurova; [vepsläižiden tekstoiden toimitai О.J. Žukova]; Venäman tedoakademii, Karjalan tedokeskuz, Kelen, literaturan da istorian institut. - Petroskoi: PetrGU-Painišt, 2015. - 521, [1] l.: kuvad, modkuvad, kartad; 25 sm. - Tekstan palad vepsän kelel. - Nimilugetiž: l. 473-492. - Bibliografii: l. 493-512. - Arhivan lähtked: l. 513-514. - Eländtahoiden lugetiž: l. 517-518. - ISBN 978-5-8021-2786-5.
  • Itti-totti: [fol'kloran da runoiden kogomuz lapsiden täht vepsän kelel / tegii-keradai О.J. Žukova; kuvad J.V. Veščikova]. - Petroskoi: Periodika, 2017. - 77, [2] l.: mujukahad kuvad; 26 sm. - Vepsläine tekst. - Lähtendtedod: Itti-totti. - ISBN 978-5-88170-301-1.
  • "Сам слышал, сам видел" = "Iče kulin, iče nägin": vepsläižed sarnad; sarnoiden kogomusen tegii О. Žukova; pirdai А. Trifanova. - Petroskoi: Periodika, 2019. - 45 l.: mujukahad kuvad; 30 sm. - Paralleline tekst vepsän da venän kelil. - Paralleline titullehtpol' vepsän kelel.- Igän röunatuz: 0+. - 400 ekzempl'arad. - ISBN 978-5- 88170-344-8.
  • Čomin sanutud: образные выражения vepsän kelel / tegijad: V.V. Rogozina, N.G. Zaiceva, О.J. Žukova; üleine toimitand N.G. Zaiceva; pirdai: R.V. Кirillov. - Petroskoi: Periodika, 2019. - 94, [1] l.: kuvad. - ISBN 978-5-88170-335-6.
  • Zaiceva, N.G. Uz' venä-vepsläine vajehnik / N.G. Zaiceva, М.I. Мullonen, О.J. Žukova; üleine toimitand N.G. Zaiceva; Venäman tedoakademijan Karjalan tedokeskuz, Kelen, literaturan da istorian institut. - toine painduz, vajehtadud da ližatud. - Тekst. - Petroskoi: Periodika, 2021. - 605 l.: kartad; 21 sm. - Bibliografii ezisanas: l. 5 (10 nimed). - ISBN 978-5-88170-415-5.
  • " Literaturan lugemine (karjalan, vepsän) kelel" openduzprogrammad augotižškolan 1–4 klassoiden täht / tegijad: Žukova О.J. [da toižed]; tekstoiden toimitai karjalan kelel (livvin alapagin) Boiko Т.P., tekstoiden toimitai karjalan kelel (pohjoižkarjalaine alapagin) Karakin J.V., tekstoiden toimitai vepsän kelel Sotnikova I.А. - Petroskoi: Verso, 2021. - 382 l. - (Federaline valdkundaline openduzstandart).- Bibliografii erištoiden lopus. - ISBN 978-5- 91997-370-6.
  • Lönnrot, E. Kalevala: [vepsän da venän kelel] / Elias Lönnrot; ezisanan tegii М. Nieminen; kändamine vepsän kel'he: N.G. Zaiceva; kändamine venän kel'he: А.I. Мišin, E.S. Kiuru; kuvad: А. А. Maksimov; vepsläižen tekstan toimitai: О.J. Žukova. - Petroskoi: Periodika, 2022. - 541, [2] l.: ил.- Paralleline tekst vepsän da venän kelil.- ISBN 978-5- 88170-426-1.
  • Žukova, O. Ezmäine änik / Ol’ga Žukova; taidehpirdai Margarita Jufa. - Petroskoi: Periodika, 2023. - 60 l.: kuvad - Nimi da tegii lähtendtedoiš: Ezmäine änik: runod da proza vepsän kelel lapsiden täht / Žukova Ol'ga Jurjevna. - ISBN 978-5-88170-440-7.
  • Žukova, О. Sinunke; Tusttun; Ken om vär: [runod lapsile] / Оl'ga Žukova (Jeršova); kändai Ol'ga Zlotnikova // Venäman rahvahiden nügüdläine literatur. Runod: antologii / [Venäman Federacian rahvahaližiden literaturoiden tugemižen programm]. - Moskva, 2017. – L. 108. - Paralleline tekst venän kelel da Venäman rahvahiden kelil. - ISBN 978-5-94282-785-4.
  • Žukova, О. Runod / Ol'ga Žukova; kändai Оleg Mošnikov // Venäman rahvahiden nügüdläine literatur. Lapsiden literatur: antologii / [Venäman Federacian rahvahaližiden literaturoiden tugemižen programm; pirdai Julia Grešnova]. - Moskva, 2017. – L. 106-108. - Tegijoiden nimiden lugetiž: l. 577-604. - ISBN 978-5- 94282-801-1.
  • Žukova, О. Runod / Ol'ga Žukova; kändai vepsän kelespäi Оleg Mošnikov // Karjalan man nügüdläižen literaturan antologii / [tegii N.V. Čikina]. - Petroskoi, 2018. - L.272, 372-373. – Igän röunatused: 12+.-ISBN 978-5-88170-315-8.
  • Žukova, О.J. Baban uudimed: [starin] / Ol'ga Žukova // Kazakova, М.V. Karjalan man vepsänkeline literatur: libutamine, kehitoitamine, perspektivad: ližaopenduzkirj filologian tedokundan üläopenikoile / М.V. Kazakova, О.J. Žukova. - Petroskoi, 2023. – L.35–36.
  • Žukova, O. Mäthudel: (runod da pajoižed lapsile): päivkodin lapsile da augotižškolan openikoile / Olga Žukova; muzikan tegii I.B. Semakova; pirdai L.V. Grigorjeva. - 2. painuz. - Petroskoi: Periodika, 2019. - 16l.: mujukahad kuvad, notad, 27 sm. - Tekst vepsän kelel. - Tedolähtkiš: Mäthudel: (vepsän kelel) / Ol'ga Jurjevna Žukova. - ISBN 978-5-88170-344-8.
  • Žukova Ol'ga. Mitte linduine, mugoine i pajoine. Vepsläižiden muštatišiden polhe // Verez tullei-al'manah. Petroskoi: «Periodika»-pästandkodi, 2018. — Lpp. 88−90. (veps.) ISBN 978-5-88170-273-1
  • Žukova Ol'ga. Koir da minun alaine, Baban uudimed (sanutesed), Ičein lapsele (runo) // Verez tullei-al'manah. Petroskoi: «Periodika»-pästandkodi, 2014. — Lpp. 103−105. (veps.) ISBN 978-5-88170-242-7

Pauklahjad

  • Karjalan man kul'turministerstvan kitändkirjeine (2009),
  • Karjalan man rahvahližen da regionaližen politikan kitändkirjeine (2020),
  • Venäman kundaližen palatan kitändkirjeine (2019),
  • Karjalan Valdkundan pämehen kitändkirjeine (2021),
  • Karjalan man parlamentan kitändkirjeine (2022).

Homaičendad

  1. ↑ Жукова Ольга Юрьевна. КарНЦ РАН.
  2. ↑ Языковые особенности вепсских обрядовых причитаний. Жукова Ольга Юрьевна. Дата обращения: 12 elokud 2021.
  3. ↑ Vauged mušt. Ol'ga Žukovan polhe. Karjalan man igähižed rahvahad, Karjalan man Rahvahaline kirjišt. Oficialine sait. 6.uhokud vodel 2023(ven.) (Дата обращения: 31 vilukud 2023)
  4. ↑ Ольга Жукова (Ершова). Портал национальных литератур.

Tarkendused


Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.
Om sadud "https://vep.ruwiki.ru/w/index.php?title=Ol%27ga_Žukova&oldid=218902"