Norišton päiv (Venäma)
| Norišton päiv (Venäma) | |
| Fail:День молодежи – 2024 в России.jpg | |
| Tip |
Oficialine praznik |
|---|---|
| Toižin |
Noriden päiv |
| Om tehtud |
Venäman prezidental Boris Jel'cinal |
| Praznuitas | |
| Päiv |
1993 |
| Praznoičemine |
kezakun jäl'gmäižel sobatal |
| Tradicijad |
koncertad, mitingad, festivalid, konferencijad, akcijad |
| lugeda • diskussii • redaktiruida | |
Norišton päiv (Venäma) — rahvahaline noriden praznik, vodelpäi 1993 praznuitas Venämal kaikuččen voden kezal 27. kezakud[1], vodelpäi 2023 Venäman prezidentan Vladimir Putinan käskön mödhe, mitte oli tehtud 2. semendkud № 132-rp «Norišton päiväs», om sirttud kezakun jäl'gmäižele sobatale[2].
Istorii
Necen praznikan istorii zavodihe 7. uhokud vodel 1958 Sovetskijas Sojuzas, konz Sovetskijan Sojuzan Ülembaižen Nevondišton Prezidiuman käskön mödhe «Sovetskijan norišton päivän tegemižen polhe» oli tehtud «Sovetskijan norišton päiv», mitte praznuitihe kezakun jäl'gmäižel pühäpäiväl[3].
24. kezakud vodel 1993, konz Sovetskii Sojuz murenzihe, Venäman ezmäine prezident Boris Jel'cin Venäman norišton azjoiden valdkundaližen komitetan da Venäman noriden da lapsiden sebroiden rahvahaližen nevondišton taričendan mödhe pästi käskön N 459-rp «Norišton päivän praznuičemižes», kus oli sanutud praznuita necidä praznikad 27. kezakud. Venäman prezident mugažo tariči:
«Venäman valdkundoiden, agjoiden, röunoiden, avtonomižiden ümbrusiden, Moskvan da Piterin valdmehištole tehta vastusid, koncertoid, ozutelusid, noriden pajosebroiden ezitusid da toižid akcijoid, miččed om omištadud Norišton päiväle… Venäman tedopainusenministerstvale - tehta azjtegoid, miše levitoitta tedoid Norišton päivän praznuičemižes rahvahan keskes… Venäman valdkundaližele tede- da radiokompanijale "Rossia"-kanalan kal't starinoita praznikan tegemižes»[4].
Hot' praznikan päiväd Bolis Jel'cin sirdi 27. kezakule, erazvuiččiš lidnoiš päazjad tehtas kut aigemba-ki kezakun jäl'gmäižel pühäpäiväl, sikš ku 27. päiväl kezakud paksus (ripputades vodespäi) om radpäiv da se ei ole lebupäiv. Necil päiväl kaikel Venämal tehtas praznikaližid azjtegoid, koncertoid, viktorinoid, sportvoibištelendoid, kargehtoid, konkursoid da rahvahan gul'andoid.
Suvi-Osetijas[5].
Vodelpäi 2023 om sirttud kezakun jäl'gmäižele sobatale.
Homaičendad
- ↑ День молодежи в 2023 году: история и традиции праздника
- ↑ Распоряжение Президента Российской Федерации от 02.05.2023 № 132-рп «О Дне молодежи»
- Большая советская энциклопедия : [в 30 т.] / гл. ред. А. М. Прохоров. — +3-е изд.
−{{{2}}} — М. : Советская энциклопедия, 1969—1978. - ↑ Распоряжение Президента Российской Федерации от 24.06.1993 г. № 459-рп
- ↑ День молодежи: праздник юности и молодости