Nencan avtonomine ümbrik
| Nencan avtonomine ümbrik | |||||
| Ненэцие автономной округ’ | |||||
 | |||||
| |||||
| Valdkund | |||||
|---|---|---|---|---|---|
| Адм. центр | |||||
| Губернатор | |||||
| Istorii i geografii | |||||
| Pind |
| ||||
| Aigvö | |||||
| Ekonomik | |||||
| Eläjad | |||||
| Eläjad |
| ||||
| Lugun identifikatorad | |||||
| Kod ISO 3166-2 |
RU-NEN | ||||
| Код ОКАТО | |||||
| - | |||||
|
| |||||
|
Официальный сайт(ven.) | |||||
|
| |||||
| lugeda • diskussii • redaktiruida | |||||
![Флаг[d]](/wiki/Fail:Flag_of_Nenets_Autonomous_District.svg)
![Герб[d]](/wiki/Fail:Coat_of_arms_of_Nenets_Autonomous_Okrug.svg)
Nencan avtonomine ümbrik (subjekt.
Se mülüb Lodehližhe federaližhe ümbrikho. Mugažo ümbrik om Arhangel'skan agjan palaks administrativižešti.
Ümbrikon pälidn da üks'jäine lidn om Nar'jan Mar.
Keled
Valdkundkel' om venäkel'.
nencalaižiden elämižsijiš venäkelen kartte[3].
Istorii
Nencan avtonomine ümbrik om olmas vs 1929 heinkun 15. päiväspäi.
Ümbrikon Päkäskuz[4] om vahvištadud vn 1995 11. päiväl sügüz'kud Ümbrikon Ezitajiden Suiman deputatoil da om väges äiluguižidenke vajehtusidenke.
Geografijan andmused
Ümbrikol om röunoid Tümenin agjan Komin Tazovaldkundanke päivnouzmas da suves, jättud Pečoran mered pohjoižes, Karan meri pohjoižpäivnouzmas. Neniden meriden lähižed pened sared mülüdas ümbrikho.
Pind om 176 810 km², sidä kesken omaluižed pedroid paimendamha ottas koume nelländest, Arktine tundr otab territorijan tobjad palad. Igähine roug putub. Znamasižed joged oma Pečor (sen alajoksmuz da avar suhišt) ičeze ližajogidenke, Pöš, Heibidä Pedar, Korotaih, Karanjogi.
Klimat om subarktine. Heinkun keskmäine lämuz om +6 C° ümbrikon pohjoižes da +16 C° suves. Vilukun lämuz om −3 C° pohjoižes da −22 C° suvipäivnouzmas. Tal'v vedase 220..240 päiväd. Paneb sadegid 400 mm vodes mererandištol da 700 mm kontinentan südäimes.
Londuseližed varad oma turbaz, metallad (vas'k, nikel', marganc, kuld, molibden), diamantad, kala, reskvezi.
Tobmuz
Ümbrikon pämez' nimitase gubernatoraks vai Administracijan pämeheks, nene tärtused oma kohtaižed znamoičendal vs 2010 kül'mkuspäi. Aleksandr Cibul'skii radab gubernatoran velgusentäutajaks vs 2017 sügüz'kun 28. päiväspäi. Ümbrikon parlament änestab gubernatorad videks vodeks (vs 2014 tal'vkuspäi), enamba kaht strokud jäl'geten ei sa. Gubernator märičeb Administracijan strukturad da paneb sen valdkundmehid radnikusile. Ezmäine varagubernator da kahesa muite varagubernatorad oma hänele abhu.
Ümbrikon üks'kodine parlament om Ezitajiden Suim. Kaik rahvaz valičeb sen 19 ezitajad nelläks vodeks. Anatolii Mändin radab Ezitajiden Suiman ezimeheks vs 2014 redukun 8. päiväspäi.
Radonoigendai tobmuz om Nencan avtonomižen ümbrikon Administracii. Ümbrikon departamentad, ohjandused, valdkundaližed inspekcijad da üks' komitet alištudas Administracijale.
Ezitajiden Suiman ühtnijoiden järgenduseližed valičendad oliba vn 2014 14. päiväl sügüz'kud (6. kucund). Kaik rahvaz oli valičenu gubernatorad sil-žo päiväl, edeline gubernator sai vägestust ezmäižel tural (76,70%).
Eläjad
Vl 2010 kaiken Venäman rahvahanlugemižen mödhe eläjiden lugu oli 42 090 ristitud[5]. Kaikutte seičemenz' ristit kümnespäi om lidnalaine.
Üks'jäine lidn om ümbrikos (Nar'jan Mar), 1 lidnanvuitte žilo da 42 küläd. Vl 2010 kaik om 4 eländpunktad enamba mi 1 tuh. eläjanke.
Rahvahad (enamba 0,4% vl 2010): nencalaižed — 17,8%, komilaižed — 8,6%, azerbaidžanlaižed — 0,4%, toižed rahvahad — 2,1%, rahvahuden ozutandata — 4,3%.
Homaičendad
- ↑ https://data.iana.org/time-zones/tzdb-2021e/europe
- ↑ 2,0 2,1 https://rosstat.gov.ru/storage/mediabank/OkPopul_Comp2024_Site.xlsx
- ↑ О ненецком языке на территории Ненецкого автономного округа. Закон НАО от 18 марта 2013 года N 4-ОЗ (NAÜ:n №4-OZ-käskuz nencan keles Nencan avtonomižen ümbrikon territorijal. 18. keväz'ku 2013). — Docs.cntd.ru. (ven.)
- ↑ Nencan avtonomižen ümbrikon Päkäskusen tekst. — Constitution.garant.ru. (ven.)
- ↑ Venäman kaikenaigaine ristitišt vl 2010. — Rosstat (gks.ru). (ven.)