Kostamukša

	Kostamukša
Флаг	Герб
	64°35′00″ с. ш. 30°36′00″ в. д.GЯO
Valdkund	Venäma;
Istorii da geografii
Tegemižen päiv	1977
Pind	15;
Высота	220
Ekonomik
Eläjad
Eläjad	▼26 048 чел. (2021);
Lugud
Telefonan kod	81459
Počtan indeksad	186930 и 186931
-
	Официальный сайт(ven.)
	lugeda • diskussii • redaktiruida

Kostamukš (ičen. karj. Koštamuš, Karjalan Tazovaldkundan lodehes. Se om Karjalan koumanz' lidn eläjiden lugun mödhe.

Istorii

Nügüdläine eländpunkt om saudud enččiden Kontokki- i Kostamukš-küliden sijas kuti žilo sädamha sijaližen raudkivendon ümbriradajad kombinatad. Se sai oficiališt statusad (lidnanvuitte žilo) vn 1977 17. päiväl kül'mkud. Vspäi 1983 (25. sulaku) Kostamukš om lidnan statusanke. Lidnanpäiv praznuiše semendkun 1. päiväl. Vspäi 2007 Kostamukš ei mülü röunmaha, tulend lidnha om joudai.

Raudkivendon küllästamižkombinat zavodi tehmižen vozil 1982−1984. Se sijadase 13 km pohjoižpäivnouzmha lidnan fartaloišpäi. Kostamukš šingotase mugažo mecan ümbriradmižel, sömtegimištol (leibtegim, torpan kazvatuz), avtoelektropaloiden pästandal i turizmal.

Geografijan andmused

Lidn seižub Kontokkijärven (Kondokijärven) päivlaskmaižen i suvižen randpolil, 220 m ü.m.t. keskmäižel korktusel. Matkad Suomenman röunhasai om 35 km päivlaskmha, röunal raudten da avtoten «Lüttä-Vartius»-kontrol'punkt om olmas.

Zarečnii-žilo (136 rist. vl 2013), Voknavolok-külä (401 rist. vl 2013) i nell' pen't küläd (6 rist. vl 2013) mülüdas lidnümbrikho Kostamukšan ližaks. Kostamukšan lidnümbrikon pind om 4 046 km² (13nz' sija tazovaldkundas rajoniden i lidnümbrikoiden keskes).

Eläjad

Vl 1979 lidnan ristitišt oli 4 366 eläjad, vl 1989 — 30 432 eläjad. Vn 2010 kaiken Venäman rahvahanlugemižen mödhe lidnan eläjiden lugu oli 28 436 ristitud, lidnümbrikon — 28 997 ristitud. Kaikiš suremb lidnan ristitišt oli 31 900 eläjad vl 2001. Vl 2018 kaik 29 381 ristitud elihe lidnas i 29 906 ristitud kaikes lidnümbrikos.

Ortodoksižen hristanuskondan koume pühäpertid^[2] oma olmas lidnümbrikos: Jumalanmaman Katken kafedraline päjumalanpert' (Kostamukš) Emäganpäivän časounänke i ph. Illä-endustajan jumalanpert' (Voknavolok).

Kostamukšan politehnine kolledž^[3] om professionaližen opendusen aluzkundaks.

Transport

Päraudtestancii om lidnan pohjoižel röunal.

Kostamukš-lendimport civiližiden südäireisiden täht (КСШ) sijadase vides kilometras päivlaskmha lidnaspäi, vspäi 2013 se ei ole rados.

Galerei

Ice Sculpture - panoramio.jpg

Jäskul'ptur «Severstal'»-kompanijan «Karel'skii okatiš»-edheotandan kontoranno (2008)
Костомукша, Евангельская церковь.jpg

Vižkümnenden päivän hristanuskojiden jumalanpert', vn 2006 nägu
Raudkivendon pelletoiden tegim («Karel'skii okatiš», 2008)
Костомукша, ДК Дружба.jpg

«Družba»-kul'turkeskuz (2006)
Kostamukš-Passažiroiden-raudtestancii vl 2018

Homaičendad

Irdkosketused

Kostamukšan lidnümbrikon oficialine sait (kostomuksha-city.ru). (ven.)

Kostamukša Vikiaitas

	Karjalan Tazovaldkundan lidnad
	Olonec \| Suojärv' \| Sortavala

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Kostamukšan pühäpertid sobory.ru-saital. (ven.)

[3] Kostamukšan politehnižen kolledžan sait (kpk-karelia.ru). (ven.)

[1]

[2]

[3]