Kormuhina Ol'ga
| Kormuhina Ol'ga | |
 Ol'ga Kormuhina vn 2013 elokus | |
| Sündundpäiv |
1 kezakud 1960 (64 vot) |
|---|---|
| Sündundsija: |
|
| Valdkund |
|
| Professijad: | |
| Pauklahjad da premijad |
 |
| Sait | |
| diskussii • redaktiruida | |
Ol'ga Borisovna Kormuhina (1. kezaku 1960, Venäman NFST, Venäman arvostadud artist (2016).
Biografii
Ol'ga om sündnu Alauz'lidn-lidnha. Vl 1977 lopi Gor'kijan keskškolad nomer 48 i zavodi opendust Gor'kijan inženerižsauvondan instututas, sen arhitekturižel fakul'tetal. Vl 1980 hän sädi debütan «Nižegorodskaja vesna»-džazrokfestivališ (Alalidnan keväz').
Vl 1983 Kormuhina sirdi Moskvha Oleg Lundstreman kucundan mödhe i tuli openumha Valdkundaližes muzikaliž-pedagogižes institutas Gnesinoiden nimed, vaumiči sen estradan palakundad T. N. Markovič-pedagogan ohjandusen al. Opendusen aigan pajatai radoi Oleg Lundstreman orkestranke.
Vl 1988 Ol'ga oli «Krasnaja Pantera»-gruppan solistan (Rusked Panter). Zavodi solišt kar'jerad vl 1989. Ühtni enamba mi 20 videoklipan tehmižhe. Vl 2012 Ol'ga pästi ičeze «Padaju v nebo»-studijanal'bomad. Vspäi 2015 radab solistan Moskvan agjan filarmonijas, äned — kontral'to i mecco-soprano.
Vspäi 1999 läksi mehele, Aleksei Belov om hänen mužik, ühtneb Gorky Park-gruppha gitaristaks. Vl 2000 Ol'ga kändihe mamaks, Anatolija-tütär om sündnu.
Diskografii
- Studijanal'bomad
- 1991 — Za granju slov (Sanoiden tahkon taga)
- 2012 — Padaju v nebo (Lankten taivhaze)
- 2016 — Sol' (Sol)