Gul'a Polivanova
| Gul'a Nikolajevna Polivanova | |
| veps.: Gul'čehra Nigmatullajevna Polivanova | |
| Sündundpäiv |
1969 (56 vot) |
|---|---|
| Sündundsija: |
|
| Rahvahuz' | |
| Professijad: |
runoilii, kirjutai, školan varapämez', valdmez', aktivist |
Gul'a Nikolajevna Polivanova (1969, Taškent-lidn, Uzbekistanas — om vepsläine runoilii da kirjutai, opendai, školan varapämez', valdmez', vepsläine aktivist.
Elostarin
Om sündunu 30. vilukud vodel 1969 Usbekistanaha, Taškent-lidnaha. Ezmäižed laps'aigan voded mändihe Ladv-küläs, Piterin agjan Podporožjen rajonas, vepsläižes kanzas dedanno da babanno. Ičein kodimaks kaiken lugeb penen Piterin agjan Ladv-külän. Laps'aigaspäi pagižeb kahtel kelel: vepsäks da venäks. Kuz'-voččen aigaspäi eläb Vidl-küläs.
Vodel 1986 lopi Piterin agjan Vidl-školad da päzui opendamhas Piterin agjan pedagogižehe radmahttehnikumaha, mittušt om lopnu vodel 1988 lujas hüvän openikan.
Loptes radmahtehnikumad vodel 1988 om tulnu radole Vidlan školaha opendajan.
Vodel 1990 läksi mehele. Hänen kanzas sündui kaks' laps - Dmitrii-poig da Darina-tütär.
Vodel 2006 sai üläopendust Piterin valdkundaližes A. S. Puškinan nimel universitetas lujas hüvän openikan.
Äjan vot Gul'a Nikolajevna opendab lapsid armastada vepsän kel't, vepsän kul'turad da veroid. Hän omištab opendusen irdpolišt «Kelen da veroiden kajičijad»-openduzradod.
Joga voden ühtneb openikoidenke rajonižihe, regionkeskeižihe da venälaižihe vepsän runo- da prozan konkursoihe, miččiš sadas ezmäižed sijad, ühtnedas Podporožjen rajonan keskeižehe kirjišton «Nikolai Abramov - vähäluguižen rahvahan sur' runoilii»-projektaha.
Kirjutab runod, sarnad, sanutesed, scenarijad vepsän da venän kelil. Hänen radod paindasoiš Piterin agjan da Karjalan vestištoiš, hän kaiken ühtneb kirjutajiden suimihe da konferencijoihe.
Vodel 2018 om paindud «Min polhe pajatab minun heng»-kirj venän da vepsän kelil. Название книги говорит само за себя, стихи в ней соткала сама жизнь, в которой были «солнечные блики и серые дожди», и от того, что в сердце автора неугасимо горит любовь к родной земле, рождаются искренние поэтические строки.
Vodel 2019 om paindud hänen «Armaz sarnaine – heled ojaine», miččes oma sarnad kahtel kelel: vepsän da venän.
Vodel 2018 Pohjoižen, Sibirin da Edahaižen Päivznoman igähižiden vähäluguižiden rahvahiden associacii pauklahjoiči «Za vernost' Severu»-medalil.
Bibliografii
- Поливанова, Г. Н. Любимая сказка – как звонкий ручеек. Armaz sarnaine – heled ojaine / Гуля Поливанова. – СПб, 2019. – 24 с.: ил.
- Поливанова, Г. Н. О чем поет моя душа… Стихи и песни вепсского края / Гуля Поливанова. – Воронеж, 2018. – 64 с.
- Поливанова, Г. Н. Вепсский язык в школе / Гуля Поливанова // Kodima. - 2020. - №5. – С.2.
- Поливанова, Г. Н. День Победы в Винницах / Гуля Поливанова // Kodima. - 2018. - №5. – С.2.
- Поливанова, Г. Н. Наш общий дом: очерк / Гуля Поливанова // Свирские огни. – 2019. – 27 сентября. – С.12.
- Сказки Гули Поливановой // Свирские огни. – 2020. – 28 февраля. – С.14.
- Gul'a Polivanova, Kaiken rigehtin hänen urokoile / Гуля Поливанова // Verez tullei-al'manah. – 2018. – с.54.
Pauklahjad da arvnimed
- Piterin agjan pämehen kitändkirjaine (2013)
- Podporožjen rajonan Administracijan openduzkomitetan kitändkirjeine (2015)
- Piterin agjan «Ezisijaline rahvahaline «Openduz»-projektаn laureat (2015)
- Piterin agjan Administracijan kitändkirjaine (2016)
- Podporožjen rajonan keskeižen kirjišton kitändkirjeižed (2016, 2017, 2018, 2019, 2020)
- Karjalan openduzministerstvan da Karjalan valdkundaližen ližatedomahtoižen opendusen «Karjalan opendusen kehitoituz institut» kitändkirjaižed
- Pohjoižen, Sibirin da Edahaižen Päivznoman igähižiden vähäluguižiden rahvahiden associacijan «Za vernost' Severu»-medal' (2018)
Literatur
- Васильев, П. Первая книга накануне юбилея (Г. Поливанова) / Пётр Васильев // Kodima. – 2019. - №2. – С.7.
- Maria Filatova, Min polhe pajatab minun heng'? / Мария Филатова // Verez tullei-al'manah. - 2018. - с.61.