Bojanov Vasil
| Azis | |
|---|---|
| bolg.: Васил Троянов Боянов | |
 | |
| Üleižed tedod | |
| Täuz' nimi | Vasil Trojanov Bojanov |
| Sündundpäiv | 7. keväz'kud 1978 (48 лет) |
| Sündundsija | |
| Ma |
 Bolgarii |
| Professijad | pajatai |
| Radon aig | 1999 — наст. время |
| Žanrad | čalga |
| Psevdonim | Азис |
| Leiblad | Diapason Records, Sunny Music |
| Официальный сайт | |
 Mediafailad RUWIKI-tedoiš | |
Vasil Trojanov Bojanov (bolg.: Васи́л Троя́нов Боя́нов; om sündunu 7. keväz'kud 1978, Sliven), mugažo om tetab kut Azis, om bolgarialaine pajatai čiganan sündundad, kudamb pajatab čalga-žanras. Zavodi rarjeran vodel 1999.
Biografii
Vasil Bojanov om sündunu Sliven-lidnas, no kazvoi Kostinbrod-lidnas da Sofii-lidnas. Om sündunu bohatas čiganan kanzas; mam om kelderarad-etnojoukuspäi, tat — erlia-etnojoukuspäi. Konz hänele oli 11 vot ajoi kanzanke Germanijaha, kus Vasil kävutoiti koirid irdal. Sigä openzi germanian kelen da sigä sündui hänen sizar' Matil'da. Germanijas zavodi rata kut model', no nece azjtego ei olend ozakaz. Modelin azjmehištos tundištoitihe Juliana Kinčevanke, kudamb tegihe hänen hüväks sebranikaks.
Ezmäine ezituz oli "Roma"-ansambl'as. Voden 1999 augotišes oti Azis-peitnimen da allekirjuti ezmäižen kontraktan ven.: «Маратон рекърдс»-leiblanke. Suren tetabuden Azis sai "Sunny Music" prod'useran Krum Asanovan abul. Heiden ezmäine al'bom om "Нокът". Toine al'bom — "Мъжете също плачат" toi hänele tetabuden.
18. semendkud vodel 2006 ühtes Mariana Popovanke ühtni Jevrovidenii 2006-pajokonkursaha "Let Me Cry"-pajonke kut bek-pajatai[1].
Vodel 2006 pästi elostarinan "Аz, AZIS", miččen kirjuti ühtes bolgatialaižen aktrisanke, pajatajanke da kirjutajanke Van'a Ščerevanke[2].
Vodel 2012 hän pästi Sen Тrope-trekan da hänen tetabuz' kazvoi.
Vodel 2015 ühtni bolgarain «Kato dve kapki voda»-šouhu koumandes sezonas.
Voden 2025 tedoiden mödhe artist vajehti ičeze imidžan da tegihe brutaližeks br'unetaks, kudamb pästi bardan da kazvati mišcad[3].
Personaline elo
Azis om peitmatoi biseksual. Om naimatoi.
5. elokud vodel 2007 hänel sündui tütär Raja Vasileva. Neičukaižen mam om Azizan amuine sebranik folk-pajatai Gala.
Diskografii
- 1999 — ven.: «Болка»;
- 2000 — ven.: «Мъжете също плачат»;
- 2001 — ven.: «Сълзи»;
- 2002 — ven.: «Азис»;
- 2003 — ven.: «На Голо»;
- 2003 — ven.: «Целувай ме»;
- 2003 — ven.: «The Best»;
- 2004 — ven.: «Кралят»;
- 2004 — ven.: «Together» (Азис и Деси Слава);
- 2005 — ven.: «Азис 2005»;
- 2005 — ven.: «Дуети»;
- 2006 — ven.: «Дива»;
- 2007 — ven.: «The Best 2»;
- 2011 — ven.: «Гадна порода»;
- 2014 — ven.: «Azis 2014».
Homaičendad
- ↑ Eurovision Song Contest 2006 Semi-Final. Дата обращения: 15 redukud 2025. Архивировано 4 uhokud 2017 года.
- ↑ Азис. Дата обращения: 14 redukud 2025.
- ↑ Гламурный исполнитель песни Mrazish кардинально сменил имидж. Дата обращения: 14 redukud 2025.